عقب الفجر | 𝐀𝐅𝐓𝐄𝐑 𝐃𝐀𝐖𝐍

- 5 -

..

"الملازم بندر جاء!!"

ردد احد العساكر المراقبين بجهازه اللاسلكي وفتحوا الباب له ودخل الملازم بندر الي كان من قاعدة حسن..

بقي راكان واقف ينتظرهم يمرون وهو معه ورقه متوسطه الحجم ومكتوب فيها اسم هيان وليان والكل ناظرها وما اعطوه اي اهتمام..

راكان:"لو سمحت..مو انتم من قاعدة النقيب حسن؟"

بندر:"الا ليش تسأل؟"

راكان:"ادور على الاهل بس ومالقيتهم وقلت بسألك اتأكد"

بندر:"عطني اسمائهم بس"

راكان:"ها..هيان وليان عثمان جدهم"

بندر:"ولد!..تعال دور بينهم على هيان وليان عثمان"

امر بندر احد الرجال الي كان معه وانتظر راكان بمكانه وراح بندر يستريح ورجع الرجال لراكان وهو ينفي.

راكان:"تعبتك معي يعطيك العافيه"

راح راكان عند اخوياه وقعد على الطاوله وهو يناظر بالورقه..

"شقاعد تسوي انت؟..مالقيتهم للحين وراك شاد حيلك مره؟؟"

راكان:"ياخي ابي اشوفها!..اسمها غريب تحمست اشوفها وابوها مرره يسأل عنها بزياده"

"بتزوج قبلي حنا متفقين نتزوج مع بعض!!"

راكان:"يلا بس..اذا هي حلوه ولله ماقعد دقيقه ابوها مستعد يسوي اي شي الظاهر لو معه صوره لها وراني"

..

لمياء:"يا الله مين فاضي يروح يغازل بوضع زي كذا؟"

هيان:"وشو؟"

بعدت لمياء وهي تأشر يمينها على شخص وكأنه من الفريق الطبي من لبسه مع وحده عليها طرحه براسها وكان عليها فستان وهي تتمايل قدامه وتسولف

هيان:"هذي؟.."

"يعطيك العافيه"

"يعافيك..اسمعي تعالي بعد شوي بالليل ها مافيه مراقبه ومشغولين ببعض بوريك مكان برا"

ابتسمت البنت وراح الولد وانتظرته لين يختفي من قدامها وهي تلف وتطيح عينها بعين هيان

"هيان؟.."

نطقت بأسمها وهي عارفتها وتقدمت مسرعه وهي مغطيه وجها تبي تدخل للخيمه بس هيان كانت عند المدخل وعطت ليان لمياء الي استغربت منها