Unicode
Chapter 1.2
ရုန်ယီ စိတ်သက်သာသွားသလိုသက်ပြင်းချမိသည်။
"ဘာဖြစ်တာလဲ...ရုတ်တရက်ကြီးဘာလို့ငါ့ကိုမေးနေတာလဲ...ငါ့ကိုတစ်ယောက်ယောက်နဲ့မိတ်ဆက်ပေးမလို့လား"
လျိုယွမ် စိတ်လှုပ်ရှားလာသည်။
"အဆင်ပြေပါတယ်...ဘာပဲဖြစ်ဖြစ်ကိစ္စမရှိဘူး...ကြည့်ကောင်းတဲ့လူဖြစ်ရင်ရပါပြီ"
ရုန်ယီနှလုံးသားလေးလှိုင်းထသွားပြီး စကားလုံးများကသူ့ပါးစပ်မှလွတ်ထွက်သွားသည်။
"ငါကကြည့်ကောင်းတယ်လို့မင်းထင်လား..."
လျိုယွမ် ဆွံ့အသွားသည်။
နှစ်ယောက်သား ခဏတာအပြန်အလှန်ကြည့်နေပြီးနောက် ရုန်ယီမျက်နှာနီရဲလာသည်။
"မင်းလည်းကြည့်ကောင်းပါတယ်"
လျိုယွမ် တံတွေးတစ်ချက်မြိုချလိုက်ပြီး ခုံနောက်ကျောကိုမှီလိုက်သည်။
"မင်းနောက်နေတာမဟုတ်လား?"
ရုန်ယီကိုယ်လေးက ချက်ချင်းတောင့်ခဲသွားသည်၊ သူ့ခံစားချက်များကိုဘယ်လိုဖုံးထားရမှန်းပင်မသိတော့ပေ။
"ငါ့ကိုအမြဲ Beta နဲ့မှားခဲ့ရင်တောင်..."
လျိုယွမ် လက်နှင့်ခေါင်းကိုအညောင်းဆန့်လိုက်ပြီး အကူအညီမဲ့နေပုံပေါ်သည်။
"ဒါပေမဲ့တကယ်တော့ငါ Alpha"
ရုန်ယီရှက်ရွံ့သွားသည်။
"ငါသိပါတယ်...ဒါပေမဲ့..."
"မင်းကဂေး(gay) လား?"
လျိုယွမ် မျက်လုံးများပြူးထွက်လာသည်။
"ငါ..."
ရုန်ယီ စပြီးစိတ်ဓာတ်ကျလာသည်။
"မင်းငါ့ရဲ့ WeChat ပရိုဖိုင်ကိုမမြင်ဖူးဘူးလား?"
လျိုယွမ်က မျက်တောင်ခတ်ပြီးစကားတစ်လုံးပင်မပြောတော့ပေ။
အခုတော့ သူ့ကိုကြည့်စမ်းပါဦး။ ထိုလူက သူ့ပရိုင်ဖိုင်ကိုဂရုတစိုက်မကြည့်ခဲ့ဖူးခြင်းဖြစ်မည်။ သည့်အပြင် လူအများစုကရုန်ယီနှင့်မတူညီဘဲသူတို့လိင်ခွဲခြားမှုကိုတံဆိပ်ကပ်ထားကြသည်။ ထို့ကြောင့် လူများ၏အချက်အလက်မျိုးကိုပရိုဖိုင်ပေါ်တွင်တကူးတကရှာနေစရာမလိုပေ။
YOU ARE READING
မစ္စတာရုန်၏ ချစ်မှုရေးရာဒိုင်ယာရီ
RomanceThis is not my own story English Title- Mr Rong's lovelorn Diary Author - 桃白百 Translator - IQ Team