Chapter 57
မင်းနောက်တစ်ခါမအန်မချင်း ငါမင်းကိုနမ်းမယ်
ထို့နောက် အပြင်ဘက်တွင်တဒင်္ဂငြိမ်သက်သွားသည်။
ရုန်ယီမှာ စိတ်မတည်ငြိမ်ဖြစ်နေစဉ် မော့ယွီဖေးကထပ်ပြောလာသည်။ သည်တစ်ကြိမ် သူ့လေသံမှာမတိုင်ခင်ကနှင့်အတော်လေးကွာခြားနေ၏။
"အစ်ကို"
သူသည်ပုံမှန်နူးညံ့ပြီး နစ်နာသူတစ်ယောက်ကဲ့သို့ခေါ်လာသည်။
"ဘယ်လိုလုပ်ကျွန်တော့်ကိုတစ်ယောက်တည်းထားခဲ့ရလောက်အောင်လူမဆန်ရတာလဲ"
"ငါမင်းအစ်ကိုမဟုတ်ဘူး"
ချန်းခယ့်ယောင်သဘောထားက သိပ်ကောင်းမနေပေ။
"ငါ့အမျိုးလိုဟန်ဆောင်မနေနဲ့တော့၊ ထွက်သွား"
"မင်းငါ့ကိုအနိုင်ကျင့်တယ်လို့ငါ့ဦးလေးကိုပြောပြလိုက်မယ်"
မော့ယွီဖေးကထပ်ပြောပြန်သည်။
"မနေ့ကမင်းငါ့အမေကိုတောင် -င်ချမယ်လို့ပြောခဲ့တယ်လေ"
"မင်းမပြီးနိုင်သေးဘူးလား"
"ငါတကယ်ကိုနားမလည်နိုင်ဘူး"
မော့ယွီဖေးက ပြောသည်။
"အနစ်နာခံပြီးလက်လွှတ်ပေးလိုက်ရတာငါပါ၊ ဘာလို့မင်းကငါ့ကိုအမှားလုပ်ခဲ့တယ်လို့တွေးနေရတာလဲ"
"မင်းရဲ့အကြောင်းပြချက်အမှားတွေနဲ့ယုတ္တိမရှိတာတွေထပ်ပြောနေရင်ငါမနက်ဖြန်သတင်းစာခေါင်းကြီးပိုင်းမှာပါလာအောင် မင်းကိုရိုက်မယ်"
အပြင်တွင်ထပ်ပြီး တိတ်ဆိတ်သွားပြန်သည်။
သို့သော်ငြား စာကြောင်းရေအနည်းငယ်သာပါသော သတင်းအချက်အလတ်များက ရုန်ယီ၏ဦးနှောက်ကိုဟန်မဆောင်နိုင်တော့အောင်ပြည့်လျှံသွားစေခဲ့သည်။ အဆိုပါလူနှစ်ယောက်ကြားရှိပတ်သတ်မှုကသူထင်ထားသည်ထက် ပိုရှုပ်ထွေးမည့်ပုံရသည်။ သို့သော် နားမလည်နိုင်သည်မှာ သူအမြန်ထွက်သွားစေချင်သည့်သူက ယခုလေးတင်ချန်းခယ့်ယောင်ကို သူလိမ်ခဲ့သည့်အကြောင်းအရင်းကိုမေးမြန်းနေခဲ့ခြင်းပင်။
YOU ARE READING
မစ္စတာရုန်၏ ချစ်မှုရေးရာဒိုင်ယာရီ
RomanceThis is not my own story English Title- Mr Rong's lovelorn Diary Author - 桃白百 Translator - IQ Team
