မစ္စတာရုန်၏ ချစ်မှုရေးရာဒိုင်ယာရီ

Part-42

Chapter 42

မင်း...မင်းငါ့ကိုမင်းနဲ့အတူအိပ်စေချင်တာလား?

ချန်းခယ့်ယောင်သည် သူ၏လုပ်ပုံကြောင့်ထိတ်လန့်သွားရကာအလိုအလျောက် ရုန်းမိလိုက်သည်။

"မင်းဘာလုပ်တာလဲ?"

သူသည် သူ့မျက်လုံးပေါ်မှရုန်ယီ၏လက်ကိုဖယ်ပစ်ရန်ကြိုးစားသည့်တိုင် အားအများကြီးမသုံးထား၍ရှုံးနိမ့်သွားရသည်။

ရုန်ယီသည်ချန်းခယ့်ယောင်ခေါင်းကိုအနောက်မှကိုင်ထားသည်။ ချန်းခယ့်ယောင်တစ်ယောက် အခန်းထဲတွင်ရှိနေသည့်အရာများကိုမြင်တွေ့သွားမည်ကို သူတကယ်ကြောက်သည်။ ၎င်းက ချန်းခယ့်ယောင်အတွက် ဝန်ထမ်းမှအလောင်းလုပ်တမ်းသရုပ်ဆောင်ပြခြင်းထက်ပင်အဆတစ်သောင်းခန့် တုန်လှုပ်ဖွယ်ကောင်းသည်။

သူကြမ်းပြင်ပေါ်မှ ရစ်ခွေနေသည့်ပုံစံကိုမြင်လိုက်ပြီးတည်းကမကောင်းသည့်ခံစားချက်ရနေသည်။ ယခုသူ့ရှေ့တွင်တွန်းဖွင့်လိုက်၍ မည်းမှောင်နေသောနံရံနောက်ရှိစာအုပ်စင်ပေါ်မှ ပုလင်းနှင့်စည်ပိုင်းများကိုတွေ့လိုက်သည်တွင် ရုန်ယီ၏သွေးများမှာအေးခဲသွားသည်။

သူတို့ဝင်မလာခင် ဖတ်ခဲ့ရသည့်နောက်ကြောင်းရာဇဝင်အရ ဤအိမ်၏ပိုင်ရှင်ယောကျ်ားမှာ အမည်မသိစုဆောင်းတတ်သောဝါသနာရှိသည်။ ၎င်းကတွားသွားသတ္တဝါ၏ဓာတ်ခွဲနမူနာများ စုဆောင်းမှုမှန်းရုန်ယီတစ်ခါမှမတွေးမိချေ။ စင်ပေါ်မှအပြင်းဆုံးရိုက်ချက်မှာ မီမီထက်နှစ်ဆကြီးသောမြွေတစ်ကောင်ဖြစ်ပြီး ဖန်ခရားလေးတစ်ခုအတွင်းထည့်ထား၏၊၎င်းမှာအထင်အရှားအရှင်ကြီးဖြစ်နေသေးသည်။

သူကိုယ်တိုင်ပင်မြင်တွေ့ပြီးကြောက်သွားခဲ့သည်။ ချန်းခယ့်ယောင်သာအနှီမြွေကိုမြင်ပါကသနားစရာအယ်လ်ဖာမှာ နေရာမှာတင်တစ်အိမ်လုံးပတ်ပြေးနေမည်ကို သူစိုးရိမ်သည်။ အိမ်ကသူတို့အိမ်လည်းမဟုတ်။ ချန်းခယ့်ယောင်ကတစ်ခုခုကိုဝင်တိုက်မိ၍ ကျိုးပဲ့သွားလျှင်သူတို့လျော်ရလိမ့်မည်။

"မကြည့်နဲ့...ဒီဘက်ကိုလှည့်"

ရုန်ယီမှာ ချန်းခယ့်ယောင်ကိုယ်ကိုတစ်ဖက်လှည့်လာရန်ဖိအားပေးနေ၏။