Chapter 63
အခန်း 63: မင်းလက်ထပ်ပြီးသွားခဲ့ပြီလား။
ချန်းခယ့်ယောင် က ပြန်မဖြေခဲ့ပေ။သို့သော်လည်းသူ၏ ခေါင်းသည် ရုန်ယီရဲ့ လည်ပင်း ဘေး၌ မြှုပ်ထားဆဲဖြစ်၏။ သူ့တစ်ကိုယ်လုံးသည် သဘာဝမဆန်စွာ တုန်ယင်နေသည်။
နောက်ဆုံးတော့ ရုန်ယီ မထိန်းနိုင်တော့ချေ။ သူသည် အခြားလက်တစ်ဖက်ကို မြှောက်လိုက်ပြီး ချန်းခယ့်ယောင်၏ နောက်ကျောကို ဆုပ်ကိုင်လိုက်သည်။
သူ့၏ ရှေ့တည့်တည့်တွင်ပင် ၊ သူ့၏လက်ထဲ၌ သေးငယ်သော တိုက်ပွဲလေးသည် သူနှင့် ချန်းခယ့်ယောင် ကြားက အေးချမ်းနေသော ကမ္ဘာလေးအား ဖျက်ဆီးသွားသည် ။ သူ၏ချစ်သူသည်လည်း သူတို့ နှစ်ယောက်လုံး အတွက် တိုက်ခိုက်နေရသည်။ သေချာသည်ကတော့ သူသည် ထို့ကဲ့သို့ မဖြစ်စေချင်ခဲ့ပေ။
"မင်းတွေ့လား....အဲတာက ငါ့ရဲ့ပရိုမုန်းတွေကြောင့် မဟုတ်ဘူး... မင်းပဲ ငါ့အတွက် ဒီလိုအကြံဥာဏ်တွေ ပေးနေခဲ့တာလေ....မဟုတ်ဘူးလား"
သူသည် ချန်းခယ့်ယောင် ၏နားကို တိုးတိုးလေးပြောသည်။
“တကယ်တော့ ကိုယ့် ဗီဇကိုမုန်းတာကြောင့်ထွက်လာတဲ့ ပရိုမုန်းတွေကတော့ အမှန်တကယ်ကို ကွာခြားမှာပေါ့...."
"မင်း ငါနဲ့ အတူရှိနေနိုင်ရင် မင်း အနိုင်ရမယ်ဆိုတာကို မင်းယုံသင့်တယ်...ပြီးတော့ ဒါလုပ်၊ ဒါနဲ့ ပြီးတော့ ချောချောမွေ့မွေ့ပဲ ပြီးသွားလိမ့်မယ်...."
ချန်းခယ့်ယောင်သည် နောက်ဆုံးတွင် စကားပြောလာပြီ ဖြစ်သော်လည်း သူ့အသံမှာ အထူးသဘာဝမကျဘဲ သူသည် ဆက်တိုက်တုန်ယင်နေခဲ့သည်။
“မင်းငါ ရယ်ရအောင် ဆက်မလုပ်နဲ့တော့.....ငါမင်းကို ဆက်ပြီးသည်းမခံတော့ဘူး....”
"ငါအတည်ပြောနေတာ!"
ရုန်ယီ စိတ်ဓာတ်ကျသွားသည်။
ရုန်ယီသည် သူစကားပြောနေသောအခါ၌ အနည်းငယ်ဒေါသထွက်နေခဲ့သည်။ ထို့ကြောင့် သူသည် ချန်းခယ့်ယောင်ဆံပင်များကို ရှုပ်ပွစေသွားရန်လုပ်လိုက်သည်။ သို့သော်လည်း၊ ချန်းခယ့်ယောင် တိတ်ဆိတ်သွားသည်ကိုမြင်သောအခါ ရုန်ယီ သည် ဒေါသထွက်နေမည့်အစား စိတ်မကောင်းဖြစ်မိသည်။
YOU ARE READING
မစ္စတာရုန်၏ ချစ်မှုရေးရာဒိုင်ယာရီ
RomanceThis is not my own story English Title- Mr Rong's lovelorn Diary Author - 桃白百 Translator - IQ Team
