Chapter 41
ငါကတော့မင်း 'အလောင်း' ကို ကိုယ်ထိလက်ရောက်စော်ကားလိုက်မှာပဲကြောက်တယ်!
ဖုန်းချပြီးသည့်အခါ ရုန်ယီမှာ စိတ်နှင့်ကိုယ်မကပ်နိုင်သေးဘဲရှိ၏။
ဤအခြေအနေကိုမြင်ရ၍ ချန်းခယ့်ယောင်ကသူ့အရှေ့တွင်လာရပ်ကာမေးသည်။
"ဘယ်ကသမီးလဲ?"
"သူပြောတာကတော့သူ့သမီးရုတ်တရက်ကြီးနေမကောင်းဖြစ်လာလို့မလာနိုင်တော့ဘူးတဲ့"
ရုန်ယီသူ့ကိုကြည့်ပြီး ရေရွတ်သည်။
အံ့အားသင့်မှုအနည်းအကျဉ်းကြောင့် ချန်းခယ့်ယောင်မှာသွားကျွတ်တော့မည်အထိရယ်သည်။
"နှမြောဖို့ကောင်းလိုက်တာ"
သူသည်ခေါင်းကိုခါယမ်း၍ ပြုံးသည်။
"မင်းကြိုးစားပမ်းစားပြင်ဆင်ပြီးဝတ်လာခဲ့ရတာတွေအလကားဖြစ်ကုန်ပြီ၊ ဒီနေရာမှာမင်းကိုဝမ်းသာပေးမဲ့သူဘယ်သူမှမရှိဘူး၊ ပြီးတော့သူကလက်ထပ်ပြီးသား၊ မင်းမှာအခွင့်အရေးလေးတောင်မရလိုက်ဘူး"
ရုန်ယီ သူ့ကိုတမဟုတ်ချင်းကြည့်လိုက်သည်။ သို့သော် အနှီအချိန်လေးတွင် စိတ်ဓာတ်မကျနေပေ။ ယွီဝမ်လော့ကလက်ထပ်ပြီးသမီးလေးတစ်ယောက်လည်းရှိသည်။ သူ့တွင်အခွင့်အရေးမရှိတော့သလိုချန်းခယ့်ယောင်တွင်လည်းမရှိတော့။ သူတို့နှစ်ယောက်လုံးက အတူတူနီးပါးပင်။ ထိုအကြောင်းစဉ်းစားလိုက်သည့်အခါ ရုန်ယီအနည်းငယ်စိတ်ပေါ့ပါးသွားသည်။
"ဒီတော့အခု..."
ချန်းခယ့်ယောင်ကပြောရန်ပြင်နေစဉ် ရုန်ယီ၏ဖုန်းကနှစ်ကြိမ်တုန်ခါလာသည်။
ယွီဝမ်လော့က ကတိအတိုင်းအွန်လိုင်းလက်မှတ်နှစ်စောင်ကိုပို့ပေးလာပြီး အနောက်မှစာပါထပ်ပို့ပေးလာသည်။
"လက်မှတ်သုံးစောင်၊ တစ်စောင်ကိုအပိုယူပြီးပျော်ခဲ့ကြပါ"
ရုန်ယီသည် တွန့်ဆုတ်နေပြီးနောက် ချန်းခယ့်ယောင်ကိုမက်ဆေ့ချ်ပြရန်ဖုန်းကိုလှည့်လိုက်သည်။ ချန်းခယ့်ယောင်ကတစ်ချက်လေးသာကြည့်ပြီးခေါင်းညိတ်သည်။
YOU ARE READING
မစ္စတာရုန်၏ ချစ်မှုရေးရာဒိုင်ယာရီ
RomanceThis is not my own story English Title- Mr Rong's lovelorn Diary Author - 桃白百 Translator - IQ Team
