#نبضات محرمة #
#Um abass aljbore
الفصل الاخير
(((((((((((((((())))))))))))))
انتبه لوجودي فتح عينة بصدمة وسرعان ماتبدلت الصدمة لغضب واني واكفة بحيلة صدر اتشمت بي وابتسم بوجهة ساندة ضهري بعمي
ضل يحاول هوة يروح بمكانهة لكن الضابط جزملة انو اذا ماطلعت راح يدخلون يسحلوهة بنفسم
كللهم اني نقيب بل....
كلة الضابط على نفسك نقيب سيدي شغلنة مابي تهاون والقضية شروع بلقتلة بسرعة خلي تطلع المتهمة
باوعلي بغضب وتقدم علية يحجي
بعصبية همس
والله يشمس لاندمج وهاي اول ضربة دشوفي الضرية الجبيرة الي راح اضربهة الج بسيطة
حطيت عيني بعينة واحاجي بستفزاز
مراح تكدر تضربني بلااقوة لان محضرتلك خوش مفاجئة لاربيك من جديد ياصلاح
رفع ايدة لزمني من زندي بقوة ونتر بعصبية مفرطة
ولججج شممممسس لتلعبين وياية
تقدم عمو صهيب وجرني خلاني ورة ضهرة ودفع صلاح حجة ويا بهدوء توكل جيب مرتك وتعال يلا مفارغيلك
ضل يسحب النفس بقوة وغضب ماهز شعرة مني حلفت انذمة على كل ضربة على كل قهرة على كل ذل عيشنيا على كل لحضة حسيت بيهة بلقرف من نفسي على كل لحضة شفتة يحجي وية نضال حتى يحرك كلبي
دخل واتأخر جوة وهمة واكفين وراسي انصرع بلغوة الاجهزة مالتهم يلغن هواي والشارع الجهال ملتمة تباوع وكم واحد واكف يباوع اباب بيتة علي ديصير فضول منهم
تكتفت بملل وين صار صارت عيني على واحد من الشرطة الواكفين شفتة يباوعلي بنضرة وصخة فصلني تفصال خزرتة غمزلي وابتسم ودار وجهة وين صلاح عنك الة يخسفلك عينك
اخخخ واخيرا طلعوا ونضال تبجي اباوعلهة واضحك
متشمتة بيهة عدلت وكفي ومشيت صرت كدامهم
اطك بكعبي بلكاع ضلت هية ويا يباوعولي بغضب واني اضحك حرك اعصابهم حرك خلتهم نفط ونار ودهم يموتوني
كل للضابط اني اخذهة بلسيارة وراكم
طلعو واحنة صعدنة بلسيارة اني وعمو صهيب كعدت اتنهد بقهر باوعت على عمو صهيب وحجيت بحزن
عمو تتوقع راح اكدر اخذ حقي منة؟؟
عيفيهة وراية بابا الا اندمة
ماريدة يندم اريد بس ابني
اجيبة الج بابا اصبري الصبر مفتاح الفرج
انشالله يارب اصبر شعندي سكتت بعد ماحجيت ونطلقت السيارة واني اباوع عليهم سيارة كدامهم وسيارة وراهم واحنة علجانب نمشي كلما يصيرون كدامي ارفع ايدي ااشر بحركة سچينة على ركبتي يعني راح تموتين واضحك عمو صهيب يضحك ويكلي بابا شعوطتيهم عوفيهة تولي
اخخخ اعمو ماشفت شلون عيشتني هاي تكتلني كتل جانت هية وامة لصلاح يتفقن ويداورن علية يكتلني والله لادمرهن واحرك كلبهن
أنت تقرأ
نبضات محرمة
Romanceمابين حرام وحلال مابين ضياع وحب اخشى ان اقع في حفرة يصعب علية الخروج منها قلبي يحكي وعقلي يحكم هل انصاع الى طريق قلبي واعلم انه طريقي خطأ ام انصاع لعقلي واعرف اني لا اطيق الم الفراق لنتابع معا قصة جديدة بأحداث جديدة ونتشارك الحزن والفرح مع ابط...
