بسم الله الرحمن الرحيم.
عندما تتلاقي القلوب⁶.
كانت ليل تضع اشيائها في حقيبه السفر لتدخل فريال و تقول:
-ليل هو انتي لازم تسافري.
التفت لها و امسكت يديها و قالت:
-متخافيش يا ماما،هو اسبوع و هاجي و هكلمك طول الوقت.
عانقتها و قبلت رأسها لتقول:
-طب خلينا نيجي نوصلك لحد المطار.
ربتت علي رأسها و قالت:
-لا يا حبيبتي متتعبيش نفسك،انا هاخد أوبر من هنا.
-طب...طب...طب خلي اخوكي يوديكي طب.
تنهدت و صمتت قليلا و من ثم قالت:
-حاضر يا ماما،علشان اريحك بس.
عانقتها ليخرجوا هم الاثنان و الحقيبه معها،نزلوا الي الأسفل لتقول فريال:
-يوسف،أمير،ونبي وصلوا اختكوا للمطار و استنوا معاها.
أومأ الاثنان و ودعتهم ليل،قال فارس:
-انا اسف يا ليل،انا مكانش قصدي اقول الي قولتو امبارح،لوسمحتي متزعليش.
ابتسمت و عانقته و قالت:
-انا عمري ما ازعل منك يا بابا.
ابتسم لها و قبلها علي وجنتها لتذهب و أمير يمسك حقائبها،قال يوسف:
-ليل هو انتي بجد لازم تروحي.
تنهدت ليل و قالت:
-يوسف انت مش متخيل انا كنت مستنيه المسابقه دي قد ايه،ما صدقت ان بابا وافق.
صعدوا الي السياره و جلست ليل و أمير في الأمام و يوسف في الخلف،مرت دقائق حتي رن هاتف أمير و كان المتصل شخص اسمه"Haiaty"،قال يوسف:
-الله الله الله،هي مش كان اسمها حياة برضو.
قالت ليل بفضول:
-حياة مين.
نظر أمير ليوسف بشراره و قال:
-دي...دي...
قال يوسف:
-دي الي كان بيديها دروس في الكافيه.
قال أمير:
-طب لوسمحتوا اسكتوا خلوني اتصل بيها.
امسك هاتفه ليتصل بها و يقول:
-ايه يا حياتي،معلش مسمعتش التلفون.
نظرت له ليل بدهشه ليقول:
-اه يا حياتي هجيلك بس هودي اختي المطار و اجيلك.
و من ثم ابتسم و قال:
-عيوني،يلا باي.
اغلق المكالمه لتقول ليل:
-ياه يا رومانسي يا حنين.
أنت تقرأ
<فارس في معركه الحب>
Aksiyon[حب أو انتقام] [ماضي أو حاضر] [خساره او مكسب] إن احببت لن انتقم. إن اخترت الماضي سأخسركِ. ان اخترت المكسب مقابل حبكِ سأخسر. كل الاختيارات تؤدي إلى الخسارة. نعم فأنا هذا الفارس الواقع بين الحب و الالم و الانتقام و الماضي و الحاضر. نعم انا الفارس الوا...
