قبل أي كلام مبسوطة اوي عشان رجعنا نتجمع تاني مع الرواية كان نفسي اعمل منها جزء واحد بس جديد بقى في منها خمسة ومبسوطة إنها معلقة معاكم بالشكل دا ويارب دايما معلقة معاكم
كفاية رغي بقى وندخل في الجد
احنا قفلنا الجزء الرابع ع مو ت صفوان وسيدرا و عريسها لكن الاحداث اللي حصلت قبل الحلقة الأخيرة و اللي المعظم مش فاكرها هنعمل فلاش باك عليها سريعًا كدا و هي إن نوح اتجوز بنت عمه عابد و اللي هي رُبى وخلف منها خمسة قلتهم في بوست منفصل بس مافيش مانع نعرفهم تاني عشان محدش يرجع يقولي منين بيودي ع فين
ولاد نوح ( طلال، صفوان، آدم وباسل و دول توأم بس توأم غير متشابه يعني مش شبه بعض وأخيرًا سيدرا وهي اخر العنقود بردو )
بيجاد بقى ودا أخو نوح اتجوز بنت ممرضة شافها مع شاهين ابن عمته مليكة وبيدلعوها ويقولوا يا ميمي عشان لما اجيب اسمها في الاحداث محدش يقول ميمي دي وحصلت شوية احداث كدا خلت مالك ميرضاش يجوزه البنت دي واللي اسمها رقية بس هو كان مصمم وولاء ساعدته ع كدا وكمان نوح ساب له شقته اللي كانت شبه جاهزة عشان يتجوز فيها بادله احداث تشيله واحداث تحطه وخلف منها يونس و هاجر
بس عشان هي عندها رحم ذو القرنين ودا متعب جدا في الحمل ووصفت حالتها بالتدقيق اثناء الاحداث عشان كدا اكتفوا بالاتنين وبس
نيجي بقى لـ عيلة الأنصاري ودي محدش هايظهر منهم غير جميلة و ريان وهيكون ظهورهم كل سنة مرة كدا يعني عشان كدا مش هذكر اي احدزث تفكركم بيها لأنهم كانوا ضيوف شرف في الجزء اللي فات
نرجع بقى للضيوف الجداد واللي هما
ورد واختها من أبوها أناهيد
ودي كل واحدة فيهم حكاية لوحدها
ظهروا في الجزء الرابع بس الجزء دا هايظهروا بكثرة من اللي قبله لأنهم من اهم الأبطال تقريبا
والدهم كان متجوز والدة أناهيد الاول وبعدها طلقها واتجوز بنت عمه اللي هي والدة ورد و ما تت لأنها مريضة قلب ومتحملتش رجوع جوزها لمراته الاولانية اللي هي والدة أناهيد بعدها رجع طلق والدة اناهيد وكانت الطلقة الأخيرة ومافيش بعدها رجوع بس لسه بتعرف تأثر عليه لحد الآن رغم إنه اتجوز واحدة جديدة وخلف منها بنوتة عندها عشر سنين واللي هي اسمها فجر بس بردو لسه مامت أناهيد بتعرف تأثر عليه وكلمتها مسموعة
أناهيد بقى زي مامتها في حتة التأثير بمعنى ليها غلاوة عند باباها وكلمتها مسموعة بردو و بيحبها وكأنه مخلفش حد غيرها تماما مدلعة وعايشة حياتها بس شاطرة جدًا رغم إنها سقطت سنتين في ثانوية عامة بس دا بسبب موضوع كدا حصل هتعرفوا مع الأحداث بإذن الله اناهيد طيبة زي ما ورد دايما بتقول عنها إنها شبه أمها اوي في حتة الطيبة لكن ورد قررت تبقى غير اناهيد بقت شبه والدة أناهيد بمعنى اصح عملوا تبديل للادوار بدل ما كل واحدة تطلع شبه مامتها عملوا العكس ودي فطرة ربنا خلق كل واحدة بيها
اللي ساعد ورد تبقى بالقساوة اللي هتظهر بيها مع الأحداث جدتها اللي تقريبا متعرفش حاجة في حياتها غير إنها تساعد ورد ع كره الناس وعدم الثقة والأمان لأي حد ورد بتعاني من مرض بس مش هكشف تفاصيله في الوقت الحالي له وقته واحداثه
وعلى فكرة اناهيد تقرب لطلال بس من بعيد يعني جميلة مرات ريان الأنصاري ومامت أناهيد ولاد خالة وهيتقابلوا كام مرة كدا وفي الكام مرة دي هنعشقهم خرفيا 😍
نرجع بقى لبيت المحمدي
عابد له بنتين وولد قلنا واحدة منهم واخدها نوح والتانية واللي هي صبا ودي اتجوزها صهيب ابن سلطان وفيروز خلفوا بقى يزن وأيلين
يزن دا موال طويل معانا 😁🙆🙆
وتيم ودا اتجوز بنت عمته ميمي وعايش برا بس لما بيرجع رجوعه زي رجوع ابوه عشان يعرف كل واحد مقامه لا اكتر ولا أقل 😂😂
و في ناس تاني هتظهر بس بالتريب عشان محدش يتلغبط
نيجي بقى للمتمرد اللي اصلا الجزء باسمه
وهو زكريا. الصفتي
واللي مش عارف مين هو زكريا الصفتي أو نسي تعالوا نرجع بالذاكرة لورا كدا كام سنة ونفتكر مع بعض لما والد زكريا واللي كان اسمه رضا الصفتي كان صاخب بيجاد في الشغل الجديد أيام الشباب وبيجاد لما مراته تعبت بسبب حملها قاله روح أنت القاهرة وهفضل أنا هنا في سينا وهأجل اجازتي لحد ما ترجع وفي مهمة من المهمات خرج ليها رضا ومرجعش تاني وما ت وساب زكريا يعاني من أمه الست الحاجدة الخا ينة لأبوه وهو شاف دا وشاف عمه داخل بيتهم بصوا م هقدر اتكلم في تفاصيل قديمة كتير عشان مرحقهاش للي بيتابع بس عموما زكريا كان بيتعرض للعنـ ــف الأسري والاعتـ ـداء من جوز خالته و بعدها رجع لمامته تاني يعاني منها ومن تسلطها عليه لحد ما كبر وبقى بيكره حاجة اسمها أمه بسبب اللي عملته و بقى مع عيلته شخص غير سوي بس ظاهريًا هو مافيش احسن منه هو عصبي حبتين بس في الحق مش في اي حاجة يعني يتعصب وهو مدرس عربي في نفس المدرسة اللي بيدرس فيها طلال ودي مدرسة اتنقل لها جديد مكملش فيها شهور وطلال كان بيتعامل مع أناهيد عادي لخد ما جه مدرس زميل وقاله ارجع دي مش كويسة وحكى له كام موقف واثبت له إنها مش تمام. وبدأ يغير من معاملته ليها عشان مش حابب الناس تتكلم عليه ويفهم إن في بينهم حاجة أناهيد اتغاظت منه بسبب طريقته اللي بسرعة غيرها وم فاهمة ليه اصلا وبعدها فهمت ليه بس دا ماثرش عليها في شئ واعتبرته زيه زي أي مدرس عادي في المدرسة ملوش عندها غير الاحترام وبس وبما إن م بيديها يبقى مافيش كلام معاه ولكن الظروف اجبرتها تتكلم معاه لأن اختها في اولى ثانوي وبتاخد عنده درس وهي مش معاه تليفون حديث زي مع اناهيد لظروفها الاقتصادية عكس الظروف الكويسة اللي عايشةفيها اناهيد بسبب والدتها ودلعها ليها طلبت منها تكتب رقم طلال عندها وتدخل الجروب اللي عمله غشان تنزل كل الملفات اللي بعتها وتقعد تذاكرها ووافقت اناهيد بدافع الحب الأخوي مش لاي حاجة تانية بس ورد بالنسبة لها طالما عملتي لي خدمة تاخدي قصادها مقابل وكانت بتشحن لها الباقة لو خلصت ومن كتر الملفات اللي ورد نزلتها عشان تلحق اللي فاتها من الدروس المساحة عند أناهيد مكفتش وطلبت منها تحل الموضوع فقالت لها خلي يبعتها على تطبيق تاني واللي هو الماسنجر وهو وافق لأن ورد طالبة شاطرة عنده ومش حابب يحرجها وكمان كان عنده مشكلة في تطبيق الواتساب ونقل كل شغله ع الفيس والماسنجر لحد ما يحلها وكمان مش حابب يقولها اختك والكلام اللي اتقال عنها دا ومن هنا بقت أناهيد عند طلال وطلال عند اناهيد في مواقع التواصل كلها تقريبا ظاهريًا هما عند بعض عمليًا ولا واحد فيهم كلم التاني كلمة خاصة ولا حتى السلام. ورد اللي بتستخدم التليفون وقت ما يكون هو فاتح
ومش هتكلم اكتر من كدا عشان الأحداث
دا بوست وبأمر الله الفصل هينزل الخميس الساعة سبعة بتوقيت أم الدنيا ❤😍
دي لينكات الأجزاء الاربعة سوى واتباد او فيس
بوك وحتى ال pdf مش نسايكم وهنزلكم اللينكات بردو دا لينك الفيس في ال4 اجزاء
https://m.facebook.com/groups/265806653926854/permalink/1399407067233468/?mibextid=Nif5oz
ودا لينك الواتباد بتاعي
https://www.wattpad.com/user/Hoda1Zayed?utm_source=android&utm_medium=com.WhatsApp2Plus&utm_content=share_profile&wp_page=user_details&wp_uname=springFlower33&wp_originator=i87ORTWNXQ4uTNEx41mvVwQ7%2B23IqCtmf7gr11iQfvdAYsUjcFgj5%2F2bIpk13BnD6JuGBXocdjduYUdRbR61w6O86dOj%2FVBIWO%2FtE4Da28J0jeBdbvcE840PV5SkhAGH
و دا لينك الجزء الأخير ❤😍
https://www.wattpad.com/story/336178971?utm_source=android&utm_medium=link&utm_content=story_info&wp_page=story_details_button&wp_uname=Hoda1Zayed&wp_originator=CNMvULelugOeBNaJTRZS%2FktU69g%2FFbUa%2BLFxscAtks%2F87fQk0PpQNkIiOBFKk5aMMBWvIaaMwcSGRBkoAtm4Q3m1KZPEaHNJexY9%2F5VD02iP3kltl8urkBY%2BUlA08fBh
كدا انا عملت اللي عليا وجه دوركم في إنكم ترفعوا البوست لأكبر عدد و كمان تقروأ الأجزاء لو محدش لسه قرأها
عشان محدش يقولي أنا تهت منك
اسماء الأجزاء بالترتيب ع الواتباد
1/ العشق الأسود
2/لعنة العشق
3/زخات العشق والهوى
4/ عقوق العشاق
5/ درب المتمرد
خلوني اختم كلامي بإني مكنتش متوقعة إن البيدج ريتشها واقع اوي كدا بس رجعت قلت إن دا طبيعي عشان نزلته متأخر المهم
زي ما كنت متوقعة إني هلاقي تعليقات من نوع معلش عشان الإمتحانات ومشغولين وبردو في ناس اتقسمت لنوع تاني وهما احنا معندناش امتحانات نزلي
فـ أنا هراضي الطرفين بمعني
هانزل كل يوم خميس الساعة سبعة بحيث هايبقى تاني يوم إجازة ومحد وراه حاجة وتقريبا في ناس قربت تخلص الامتحانات في إجازة الصيف بقى بدل ما يبقى فصل في الأسبوع هايبقى فصلين ويمكن اكتر هنسيبها لظروفها بكرا بأمر الله الفصل الأول ❤
