درب المتمرد

اقتباس رايق

أنا مش طالب حاجة زيادة عن اخواتي جوزوني ويبقى كتر خيركم على كدا

يا ابني هو أنا مش عملت لك فرح مع اخوك ؟!
لا انا زنقت نفسي معاه لكن أنت دلوقت يابابا المفروض تعملي  فرح يحكي ويتحاكى بي الناس
ما تعمله يا نوح هو معاك شوية !!
هو في إيه يا ستي هو أنتِ معايا ولا مع عيالي ثم هو عاوز يتجوز اصرف أنا ليه ؟!
خلاص أنا اروح لجدي ريان ويتكفل بالمصاريف
وتروح لبيت الأنصاري ليه وابوك عايش ياواد !!

اعمله ايه يا ستي ماهو مش راضي اقطع نفسي أنا يعني !!
بص يا بابا احنا مش هنعمل فرح كبير هو اي اوتيل خمس نجوم ونجيب رقاصة ولا اتنين
رقاصة في الفرح استغفر الله العظيم يا ابني ابدء حياتك بحسنات مش ذنوب

لاغينا الرقاصة من الفقرة  يلا بقى قوم البس وحجز معايا الفندق

بص عشان ابقى عملت معاك زي اخواتك بصحيح هما عشرين الف جنيه تحطهم في الأكل تحطهم في البنك أنت حر

شايفة يا تيتا بابا بيهزر ازاي !!!

ياواد فك الكيس شوية واعمل فرح عليه القيمة
دا ابنك بردو
ياستي ما أنا اتجوزت محدش حط جنيه واحد
في جهازي ولا فرحي  ومع ذلك بقف جنب ولادي كلهم عشان  هما لسه في بداية حياتهم
خلاص عشان ابقى عملت معاك اللي عليا للاخر هزودهم ويبقى معاك خمسين الف مني للفرح بعيد عن جهازك اللي هساعدك في بردو مبسوط كدا ؟!

لا لسه في البوفية بتاع الفرح على مين فيكم بقى

البوفيه عليا أنا يا سيدي
متشكرين يا تيتو يا عسل ربنا ما يحرمني منك يارب
كدا خلصنا من الفرح و الأكل والجهاز ناقص شهر العسل هتفسحوني فين أنا ومراتي أأقل من30 يوم متنوعين في كل مكان أنا مش هقبل أنا مابشحتش اديني بعرفكم اهو

#درب_المتمرد

العريس الشحات رزق والله 😂😂😂🙊
لسه الفصل مجبش ال500 معقول مش عاوزين الفصل🙂🙂🙂

https://m.facebook.com/story.php?story_fbid=554009280249149&id=100069202455533&mibextid=Nif5oz