الفصل التاسع
========
نظر "يونس" داخل العلبة المخملية بتقييم ثم عاد ببصره لابن عمه وقال بجدية مصطعنة
- ذوقك حلو
تابع بإبتسامة خفيفة وهو يضربه في كتفه برفق
-بس غبي
ختم حديثه قائلًا بنبرة تملؤها الحنان
- ياض أنت صاحبي واخويا اللي أمي مجبتوش واللي تحبها تحرم عليا زي أمي واختي احنا نقسم أي حاجة في الدنيا لكن تدخل قلبك اهو دا اللي مستحيل أبدًا .
رد " طلال" بجدية مصطنعة وهو يتحاشى النظر له وقال:
- مين قالك إن أناهيد في قلبي أصلًا
- يا راااجل ؟!!
استدار" طلال" بجسده كله وقال بنبرة متلعثمة
- ايوة زي ما بقولك كدا بالظبط
- طيب اسيبك أنا بقى واروح شغلي
سأله " طلال" وهو يستدار بجسده وقال:
- شغلك بردو ولا عشان باكو اللبان المتنقل اللي في شغلك ؟!
رد " يونس" وقال بنبرة متلعثمة
- لا نوال بقالها يومين مبتجيش
- ومين جاب سيرة نوال ؟!
- أنـ أنت قلت كدا
رد " طلال"وقال ببراءة مصطنعة
- أنا مجبتش سيرتها بس طالما أنت شايف كدا يبقى ماشي .
******
فين الأستاذ زكريا الصفتي لو سمحت ؟!
أردفت والدة أناهيد سؤالها لحارس المدرسة، أشار لها تجاه غرفة المدرسين وقال:
- قاعد جوا ادخلي له
- شكرًا يا خويا
سارت تجاه الغرفة التي أشار إليها، وعيناها تتفقد المدرسة لم يعجبها شيئًا فيها عكس ما كانت تتوقع تمامًا، وصلت إلى الغرفة خلال ثوانٍ طرقت الباب قبل أن تلج لتجد "طلال" جالسًا حذاء " زكريا" يدون بعض الملاحظات الهامة داخل دفتره، ذهبت حيث يجلس وقالت بإبتسامة
- حضرتك أستاذ زكريا الصفتي ؟!
رد " زكريا" باستفهام
- ايوة خير ؟!
- مع حضرتك والدة الطالبة أناهيد كرم الجزار
- أهلًا وسهلاً خير ؟!
تجاهل " طلال" تماما تلك الماثلة أمامه، قرر الذهاب لصنع قدحًا من الشاي الساخن، سرعان ما عاد ليجلس محله و هو يستمع لها حين قالت
- حضرتك أنا مش هاينفع اخلي بنتي تروح لوحدها بيتك بردو !
تنهد " زكريا" وقال بهدوء
- حضرتك أنا لا بروح بيت حد ادي في ولا حد بيجي لي بيتي دا نظامي، أنا بدي هنا في المدرسة أو السنتر ولأنك حابة بنت حضرتك تاخد معايا هيبقى هنا بعد المدرسة بساعتين ودا أكتر معاد مناسب ليها
- حضرتك أنا عاوزة ادي لبنتي درس خصوصي حتى صحابها مش عاوزاهم معاها في المجموعة
تابعت حديثها قائلة :
- مش عاوزة حاجة تشغل بنتي عن مستقبلها
فهم كلاهما مغزى حديثها و من المقصود
بهذه الجملة ابتسم " زكريا " لها ثم قال
- مافيش مشكلة وزي ما قلت لحضرتك مواعيدي الحد والخميس بعد المدرسة بساعتين
- مافيش أي مشكلة واوعدك الدلع والاستهتار اللي بنتي كانت فيهم مش هايحصلوا تاني
- تمام اتمنى إن دا يحصل فعلا لأن اناهيد طالبة شاطر فعلا وخسارة مستقبلها يضيع
