الفصل الخامس
¤¤¤¤¤¤¤
اتسعت إبتسامتها حتى كشفت عن نواجزها
تهللت أسارير والدتها ما إن عادت لابنتها بسمتها ولأول مرة منذ شهرٍ ونصف تقريبًا
نظرت لـ إسحاق و إلياس و قالت بامتنان
- ربنا يسعدكم زي رجعتوا لبنتي الضحكة لوشها دي أول مرة من ساعة اللي حصل تـ...
رد " بلال" مقاطعًا بجدية مصطنعة
- وليه لازمته الكلام في اللي فات ولا أنتِ يا أم اناهيد بتحبي النكد
- أنا ابدًا دا أنا حتى مافيش بيني وبينه عمار
تابعت بنبرة ماكرة
- وعشان اللمة الحلوة دي أنا عاوزكم تشرفوني في عيد ميلاد أناهيد وأ...
ردت " اناهيد" مقاطعة بنبرة صارمة
- لا مش هعمل عيد ميلاد
نظرت والدتها لـ مهدية التي سألتها بدورها قائلة:
- ليه يا حبيبتي دي مناسبة جميلة زيك والحمد لله أنتِ ربنا تمم شفاكي على خير يبقى ليه منحتفلش ؟!
تابعت بجدية مصطعنة
- إلا لو أنتِ مش حابة وجودنا معاكي دي بقى حاجة ترجع لك
ردت " أناهيد" بنبرة صادقة قائلة:
- والله أبدًا
تابعت بصوتٍ حزين و نبرة تملؤها الحزن
- أنا مش حابة أأقابل حد بشكلي دا وخصوصًا إني لسه ماخـ...
قاطعها " إلياس" وهو يلج الحجرة حاملًا القهوة الفرنسية قائلًا:
- بلاش تحبسي نفسك جوا الدايرة دي اخرجي وعيشي حياتك زي ما كنتي بتعملي زمان ولو على الآثار دي فهي هتروح هي بس محتاجة شوية وقت مش أكتر
سألته بتوجس قائلة:
- هو هو مش ممكن الناس تخاف مني ؟!
رد " إسحقاق " على سؤالها بسؤالًا آخر قائلًا :
- الناس تخاف منك أنتِ طب قولي تخاف مني من إلياس اقولك معاكي حق انما في حد يخاف من القمر اهي دي جديدة عليا الصراحة؟!
ردت والدتها بسعادة قائلة:
- إن شاء الله يجبر بخاطرك يارب
تابعت وهي تنظر لابنتها قائلة:
-شايفة يا نونه عشان اقولك مش مصدقاني أنتِ زي القمر
ختمت حديثها قائلة بنبرة لا تقبل النقاش
- خلاص الحفلة هتتعمل بكرا يعني هتتعمل ومافيش هايمانعني
ردت " مهدية" قائلة بإبتسامة واسعة
- اهو كدا ضمنا إننا هنأكل تورتة بكرا
وكأن هذه الجلسة جلسة إعادة تأهيل للنفس أكثر من كونها عائلية من الدرجة الاولى، رضخت أخيرًا لقرار أمها بعد أن استمعت لكلمات ربتت على قلبها قبل أي شيئًا آخر .
*****
داخل منزل عائلة المحمدي
كان " يونس" جالسًا على إحدى سلالم الدرج و" سيدرا" واقفة تناول منها قدحًا من القهوة
ثم جلست بدأت تتحدث معه كلمات من هنا وهناك حتى ختمت حديثها متسائلة بنبرة متعجبة قائلة:
- ممكن افهم مدخلتش ليه عند تيتا ؟!
- ماهي نايمة هدخل اعمل إيه وبعدين هنا قاعدة وجوا قاعدة عادي يعني
