عبدالله المعيوف

7

(اعتقد حفظتوا الروتين خلاص رنا تدق تصرخ اقوم اخذ شاور وننزل نفطر)

-احمد: صباح الخير، كيف رجلك؟
-انتي: الحمدلله احسن.
-احمد: كلمت المدير وقلتله انك بتاخذين اليوم اجازة.

-انتي: ليه؟ ما يحتاج والله.
-رنا: قاعدة تعرجين ايش اللي ما يحتاج؟!
-انتي: طيب عادي اقدر اسوي نفس شغل امس.

-احمد: بس قروبنا اليوم بيكون في الملعب فصعبة عليك.
-رنا: خذي غفوة على ما نرجع.
-انتي: ما ابي اقعد بروحييي!

-احمد: معليك بس اليوم ريحي وبكرا بنكرفك ابشري.
-ليان: هههه صادق معطيك اجازة وزعلانة.

(اثناء الفطور شفت عبدالله من بعيد في طاولة ومعه لاعبين نسيت اسماءهم، قمت باخذ لي قهوة وتوقعته يلاحظ ويجي بس ما جا ولا التفت اصلا. رجعت مكاني وبعد دقايق مشوا كلهم ورحت انا غرفتي)

-انتي: افففف مافيني نوم ايش اسوي طفشت من الحين.

(طقطقت بجوالي شوي وسمعت طقة الباب، قمت بكسل متوقعة انهم خدمة الغرف جاين ينظفون بس انصدمت)

-المعيوف: هلوو.
-إنتي: ايش تسوي هنا؟!
-المعيوف: ارفه عنك.
-انتي: وتدريبك؟؟
-المعيوف: هربت.
-انتي: تستهبل عبدالله روح الملعب يلا.
-المعيوف: تدرين انك ولا مرة قلتي معيوف دايما تناديني عبدالله.
-انتي: ايش دخل الحين روح تدريبك!
-المعيوف: اوه صح الحين وقت تجربين قهوتي اخيرا.
-انتي: عبدالله ما تسمعني؟؟
-المعيوف: لا.

(مسك يدي وسكر بابي وسحبني لغرفته، وداني عند الكنبة ومسك اكتافي وجلسني)

-انتي: ماقد قابلت شخص اعند مني مسكين اخوي يلاقيها من اخته ولا صديقه.
-المعيوف: ههههه انا مو عنيد بس انتي تضطريني.
-انتي: قول الصدق، هربت من التدريب؟
-المعيوف: امس دقيت على احمد قلتله ياخذ لي ولك اجازة.
-انتي: وبصفتك مين تتكلم باسمي؟
-المعيوف: بصفتي أوسـ
-انتي (قاطعته): اوك اوك خلاص لا تكمل فهمت.

(ضحك بشويش ورجع يركز في القهوة اللي يسويها، اما انا اخذت الريموت من جنبي وجلست افرفر ادور شي اشوفه)

-المعيوف: تفضلي.
-انتي: تسلم.
...
-المعيوف: ها كيف؟
-انتي: قد المدح والله هههه.
-المعيوف: الحمدلله.

(صار فيه صمت غريب وهبدت اقرب سالفة براسي)

-انتي: عبدالله مين كان معك في الطاولة اليوم؟
-المعيوف(حاول يتذكر): اليوم اااا صالح وجانغ، ليش السؤال؟
-انتي: اهااا هذا صالح.

-المعيوف: اي، شفيه؟
-انتي: ولاشي بس ليان كانت كثير تسولف عنه ومتحمسة تقابله.
-المعيوف: وانا احسبك تطالعيني طلعتي مركزة معه.