(ودي اقولكم ايش صار يوم العقد بس الحقيقة اني ما اتذكر ولا اي شي، كنت مرة مرة خايفة ومتوترة ورنا تقولي اعتبريه يوم عادي لا تفكرين بس البسي كاننا بنروح حفلة، وليان تحاول تشتت انتباهي وتقولي اي سالفة عشان اضحك او اندمج معها.
حرفيا كنت اسوي اللي ينقال لي فقط وانا ما ادري وش قاعد يصير، رنا تقول حطي ميكب جيجي يقول يلا ادخلي والشيخ يقول وقعي هنا.
فجأة الكل صار يصفق ويزغرط ولما شفت وجوه اعز الناس لي كلهم فرحانين تلاشى كل شي، رجع مخي ورجعت لي المشاعر وابتسمت من قلبي ذي المرة)
-امك: مبروك يا احلى عروسة، احين جيجي بيسلم عالشيخ ولما يروح اقعدي مع زوجك شوي سولفي معه وقهويه وكذا.
-انتي: ما يحتاج خلاص ترى شايفني من قبل.
-رنا: هههه ابشري يا خالة.
(سحبتني ليان بعيد عن ماما شوي)
-ليان: يا عمري هذي مو شوفة خلاص هذا زوجك.
-انني: طيب ليش اجل اروح؟
-ليان: بتجننيني انتي؟! كيف ليش تروحين؟ زوجك ويوم عقدكم ما بتقعدين معه؟
-انتي: لا لا ليان تكفين مابي!
-ليان: طالعيني! هذا عبدالله اللي يحبك ويعشقك والي انتي تحبينه من المتوسط، اليوم صار لك، افرحي لا تتوترين.
-رنا: يا قلبي حنا هنا معك منتي لوحدك، اعتبري اننا لسا مسافرين وانتي رايحة تقابلينه في الملعب.
(هديت من كلامهم شوي او مثلت على نفسي اني هديت بس لما دخلت رجع لفل التوتر مليون، مسكت يد جيجي بقوووة لدرجة استغربت انه ما صرخ بالعكس حط يده الثانية على يدي ومسح عليها. ما رفعت عيني بس رخيت يدي وجلست)
-المعيوف: يا العضيد مطول معنا؟
-جيجي: رايح رايح، خذ راحتك بس هالله هالله في اختي تراها حياوية.
-المعيوف: بالحفظ والصون.
(لما طلع جيجي بديت اخاف اكثر، ترى والله ما اعرف من ايش خايفة بس كذا احساس من داخلي ابغى ادور اي مخرج ما ابغى اقعد هنا! قام عبدالله من مكانه وجلس جنبي، مسك يدي بنفس طريقة جيجي ومسح عليها)
-المعيوف: عارف انك متوترة وخايفة، بس لو تدرين وشكثر يعورني قلبي لما تكونين خايفة مني انا.
-انتي: ماني خايفة منك والله... بس بس ما ادري احس بتوتر.
-المعيوف: تحسين تبغين تهربين؟
-انتي: ايييييه!
-المعيوف: ههههه، يا عمري الخوف طبيعي وحتى انا متوتر.
-انا: انت متوتر؟؟!
-المعيوف: طبعااا!! لسبب ما البنت اللي اعشقها اليوم وافقت تصير زوجتي مشاعري بتتفجر.
(طالعت فيه وابتسمت، وكان المفروض اطالعه من زمان لاني لما شفت وجهه حسيت براحة)
-المعيوف: بس اللي يخليني اهدا انك جنبي ومعي.
-انتي: احس اني ما اعرف ايش اقول.
-المعيوف: ههه قولي مبروك لنا.
أنت تقرأ
عبدالله المعيوف
Storie d'amoreتخيل / رواية قصيرة عن حامي العرين عبدالله المعيوف (الكاتبة قاعدة تهبد) . . . كل اللي مكتوب من تأليف وخيال الكاتبة ولا يمت للواقع بصلة👍🏻
