(اليوم هو اليوم الاخير بالرحلة وبكرا بنرجع السعودية. احس مشاعري مختلطة مابين اني اشتقت لماما وجيجي وبيتنا وبين اني حبيت الذكريات والمكان هنا)
-المعيوف: صباح الخير.
-انتي: صباح النور!
-المعيوف: للحين ما تعودت انك تكلميني بلطف وابتسامة.
-انتي: ايش قصدك؟؟!
-المعيوف: اييوه كذا رجعت الشخصنة والعصبية.
-انتي: طيب انا اخليك هنا مع نفسك واروح افطر احسن، عن اذنك.
(مشيت ومشى وراي)
-المعيوف: شفيك زعولة امزح معك يا قلبي.
-انتي: قلتلك لا تقولي لي... كلام كذا.
-المعيوف: كلام ايش؟
-انتي: انت فاهم وتبيني اقول، مافي.
-المعيوف: تقولي ايش؟
-انتي: عبدالله خلااص.
-المعيوف: ههه طيب طيب خلاص، وين تبغين تروحين في اخر يوم لك؟
-انتي: احمد قالنا اننا بنشوي في الملعب.
-المعيوف: نشوي؟
-انتي: اي، امس قال تبون تطلعون ولا نجلس مع بعض قلنا له نبي جلسة مفتوحة وسناكات وكذا.
-المعيوف: والله حلوة الفكرة من زمان ما شوينا او حتى بس كذا جلسنا نسولف.
-انتي: اممممممممم بس احمد كان يقصدنا احنا فريق التطوع.
-المعيوف: ما تبيني يعني؟
-انتي: مو قصدي بس لازم تشوف اذا باقي اللعيبة بيجون ولا لا عشان ما تصير بروحك.
-المعيوف: واذا جيت بس انا؟
-رنا: ما لاحظت انك ماخذ صديقتنا كثير؟
-المعيوف: صباح الخير.
-ليان: صباح النور، ممكن بنتنا لو سمحت؟
-المعيوف: انتو معها خمسين ساعة باليوم انا بس نص ساعة الصباح.
-ليان: ولا كانك مسير عندنا كل بريك!
-المعيوف: ما شبعتوا منها؟ اعطوني اياها اليوم بس.
-رنا: كم تدفع؟
-انتي: هي هي انت وهي تراني بشر مو صحن لقيمات تتبادلونها.
-المعيوف: هههههههه طيب بتفاهم انا مع احمد وان شاء الله نشوفكم الليلة!
-ليان: بتجون معنا؟؟ تكفى خلي صالح يجي!
-المعيوف: صالح لا! مشغول.
-انتي: ههه روح روح بس الله يستر عليك، وانتو تفضلوا خلونا ناكل ترى جوعانة.
.....................................................................
(اليوم كان احسن يوم دوام من بداية الرحلة للحين، تعودنا على بعض وعلى المكان وصارت جلساتنا ما تخلو من السوالف والضحك وعلى نهاية اليوم جا احمد ومعه اشياء كثير من اكياس ومعدات وحطب)
-احمد: طيب الحين تقدرون ترجعون الفندق تريحون ساعتين وترجعون ثاني، اللي يبغى ياخذ شور او يرتب اغراضه من اليوم لان سهرتنا طويلة.
أنت تقرأ
عبدالله المعيوف
عاطفيةتخيل / رواية قصيرة عن حامي العرين عبدالله المعيوف (الكاتبة قاعدة تهبد) . . . كل اللي مكتوب من تأليف وخيال الكاتبة ولا يمت للواقع بصلة👍🏻
