(صحيت وحسيت بيد عبد الله علي، كنت برفعها واقوم بس لما حاولت شدني له)
-المعيوف: انا ما قلت لك لا تقومين بدوني؟
-انتي: طيب يلا قوم.
-المعيوف (حضني): استني شوي اجمع طاقة.
-انتي: وكم ذي الشوي يعني؟
-المعيوف: اشششش.
-انتي: بنروح بيت اهلك اليوم ترى.
...
-انتي: اذا تاخرنا بقول انه بسببك.
...
-انتي: عبدالله؟
-المعيوف: يالللييييل يلا قومي قومي، انا مدري ليه متزوجتني وهي دقيقة ما تتحملني!
(قمت بس قبل ما اروح التفت واعطيته بوسة سريعة في خده بعدها مشيت مع انه حاول يسحبني)
-المعيوف: ابغى بعد وحدة ما مداني استوعب!
-انتي: هههه قووم!
(اخذت شاور وكنت عارفة ايش بلبس فما طولت كثير ولما رحت المطبخ شفت عبدالله تقريبا جهز كل الفطور)
-انتي: ليش ما انتظرتني اساعدك؟
-المعيوف: اجلسي ولا تسوين ولا اي شي، بروح اتروش سريع وبجي.
-انتي: طيب تبي اسوي لك قهوة؟
-المعيوف: لااا! لا تسوين ولا شي ولا تلمسين ولا شي اوك؟
-انتي: طيب طيب شفيك؟
-المعيوف: ولاشي يلا بروح وبجي لا تتحركين.
(استغربت منه بس جلست افرفر بالتكتوك لين ما جا)
-انتي (حطيت يدي على خصري): لا عاد كذا اوفر طالع لي بالمنشفة؟!
-المعيوف (يبتسم): جيعاان.
-انتي: روح البس وتعال كل.
-المعيوف: بلبس بعدين.
-انتي: لا لا، بنتظرك عادي روح وتعال يلا.
-المعيوف: دوري لك محتوى جديد مو كل يوم نفس السالفة.
-انتي: شوف لازم نلاقي حل وسط، تبي تتمشى في بيتك بدون قميص اوكي بس بمنشفة لا!
-المعيوف: خلاص طيب رايح، انا اقدر اقولك لا؟
-انتي: اول مرة في حياتك تسمع كلامي لا تسوي فيها يعنني ما ترفض لي طلب.
(ضحك وراح، رجعت انا اطالع جوالي وفجأة المقاطع كلها صارت عنه، بعد ثواني لبس ثوب وجا جلس قدامي عالطاولة)
-انتي: احب لما تلبس ثوب شكلك مرة حلو!
-المعيوف: عيونك الحلوة حبي.
-انتي: يعني تدري ان شكلك حلو؟
-المعيوف: كيف يعني؟ مدحتيني ورديت.
-انتي: اي اوك بس هل تدري انك حلو بالثوب؟ هل مرة تعمدت تلبس ثوب عشان تصير حلو؟
-المعيوف: مني مرتاح احس ان في فخ في السؤال سواء جاوبت اي او لا.
-انتي: فخ ايش؟ عادي جاوب بصراحة سؤال عادي.
-المعيوف: ...... لا ما اعتقد مرة تعمدت.
-انتي: اها.
أنت تقرأ
عبدالله المعيوف
Romanceتخيل / رواية قصيرة عن حامي العرين عبدالله المعيوف (الكاتبة قاعدة تهبد) . . . كل اللي مكتوب من تأليف وخيال الكاتبة ولا يمت للواقع بصلة👍🏻
