عبدالله المعيوف

10

-انتي: مو مهم وش قال المهم انه لعاب وحمار واكرهه.
-المعيوف: تكرهيني؟

(التفت وراي وشفت عبدالله واقف عند الباب وبيده جوالي، انصدمت لما شفته وما قدرت استوعب الموقف عشان ارد. ترك جوالي عالطاولة ومشى، كنت بروح وراه مع اني ما ادري ايش بقول بس احمد جا)

-احمد: توي راجع من الملعب وما يحتاجونكم هناك فكملوا شغل في المكتب على الملفات وتقدرون تطلعون عالساعة ٦.

(كل وحدة راحت تمسك ملف وانا افكر بالموقف اللي صار وتذكرت ملامح وجهه وهي يسأل "تكرهيني" كان غير ونبرة صوته غير، شي ما اقدر اوصفه قد ما اكلني تأنيب)

-ليان: انتي اوك؟
-انتي: ... لا ليان احس اني جرحته هالمرة صدق.
-ليان: لا تعذبين نفسك اكيد اذا كلمتيه بيتفهم وما بيشيل عليك كالعادة.

-انتي: كالعادة؟ انا كثير اسوي له حركات زي كذا؟
-ليان: تبغين جواب صدقي ولا جواب مواساة؟
-انتي: لذي الدرجة؟! صدق انا اجرحه كثير؟

-ليان: انتي اذا استحيتي تعصبين، انا ورنا نفهم ذا الشي وهو على حسب ما شفت يعني كثير قلتي له اشياء وهو يكمل معك طبيعي.
-انتي: بس اليوم ما كان طبيعي! من بداية اليوم وهو يتجاهلني وانتي قلتي لي انه زعلان.

-ليان: اممممم الصدق الصدق ان انا ورنا قلنا له ما يكلمك اليوم عشان تشوفين انك تبينه يجيك وتبين تشوفينه وتفهمين مشاعرك بس ما حسبنا حساب انك بتنفجرين زي كذا.
-انتي: يعني هو ما كان زعلان؟؟
-ليان: مو زعلان بس كان حاير وكان يسأل رنا ليش انتي دايما تقولين عنه انه يلعب فيك وكذا.

-انتي: ايش اسوي احين طيب؟ احس ما عندي كلام ما ادري وش اقوله.
-ليان: انتي تكرهينه جد؟
-انتي: طبعا لا!!

-ليان: طيب خلاص مبدئيا قولي له ان الكلمة طلعت منك بدون قصد.
-انتي: واذا سألني عن اشياء ثانية؟؟
-ليان: قولي الصدق، لا تلفين وتدورين ولا تكذبين عليه وعلى نفسك بس كوني صادقة.

-رنا: بناات يلا مشينا!
-انتي وليان: يلا.

(رجعنا الفندق ودقت علي ليان تشوف اذا بطلع معهم او ابغى اظل هنا بس قلت لها اني بجي معهم عشان ابي اخفف عن نفسي اول وعشان اعطيه مجال يهدا، وزيادة على كذا للحين ما رتبت نفسي ولا استعديت.

المهم رحنا مع شهد وميار منطقة كانها سوق مفتوح تمشينا شوي واكلنا ولما جت تقريبا الساعة ١١ رجعنا الفندق)

-شهد: مرة انبسطت اليوم بنات!
-ميار: صدق حسافة تونا نتعرف لما قربت نهاية التطوع.
-ليان: اي والله صدق لازم نحلل ذي الايام.