(صحيت ورفعت راسي اتأمل الوجه البريء واللطيف، كان هادي بشكل ملائكي ولازال حاضني بس يده مرخية، حاولت ارفعها بشويش عشان ما يحس وقمت توجهت للمطبخ اجهز فطور. لما خلصت جا عبدالله وحضني من ورا سند راسه بين كتفي ورقبتي)
-انتي: عبدالله خرشتني!
-المعيوف: مين سمح لك تقومين؟
-انتي: ما كنت ابغى اصحيك.
-المعيوف: لو اصحى مرة ثانية وانتي مو جنبي بـ...
-انتي: بـ؟ كمل ايش بتسوي؟
-المعيوف: مقدر اسوي شي بس بزعل وش بيدي؟
-انتي: ههه طيب اتركني واجلس عالطاولة يلا بنفطر.
(لما تركني لفيت عليه وشفته حرفيا لابس شورت بس! غطيت وجهي وصرخت)
-المعيوف: ايش فييك يا قلبي؟؟!!
-انتي: انت اللي شفيك؟؟ كيف تطلع لي زي كذا روح البس شي!!!
-المعيوف: خوفتيني احسب صارلك شي!
-انتي: روح البس لو سمحت!!
-المعيوف: بيتي ومع زوجتي كيفي.
-انتي: وزوجتك مو راضية، روح البسسسس!
-المعيوف: مشيت للحيا ذا كثير ترى لمتى يعني؟
-انتي: عبدالله تكفى صدق روح البس عشان نفطر سوا يلا.
(طول الوقت كنت اتكلم وانا لافة ومغطية وجهي فجأة حسيت بيدينه مسكني ورفعني وشفت نفسي جالسة بحضنه وهو مثبتني بيده اليسار ومسك الملعقة بيده اليمين)
-المعيوف: يلا قولي اا.
-انتي: اتركني اذا منت لابس مني فاطرة معك!
-المعيوف: لبس مني لابس ولا بتركك، تبين تاكلين تفضلي ما تبين خلك كذا جالسة بهدوء.
-انتي: اوك!
(كتفت يديني وقرب لقمة لفمي بس لفيت وجهي وراح بكل بساطة اكلها هو، واستمر ياكل وماسكني كاني لعبة بيده)
-المعيوف: وبعدين معك؟
-انتي: وبعدين معك انت، قلت لك فكني!
-المعيوف: واذا فكيتك وبعدين؟
-انتي: ... بجلس اكل.
-المعيوف: قولي والله.
-انتي: والله بس فكني خلاص.
(تركني وقمت وجلست بالكرسي الثاني، شفته يطالعني وهو يبتسم بس ما رديت له الابتسامة لانه تافه)
-المعيوف: متى قلتي لي بتروحين؟
-انتي: الصباحية؟
-المعيوف: اي.
-انتي: يعني عالمغرب.
-المعيوف: لازم تروحين يعني؟ خلاص امس العرس وش فايدة ذي الحفلة بعد؟
-انتي: اكيد لازم، يعني مدري بس يلبسون ذهب وكذا الصراحة مني متاكدة.
-المعيوف: وانا وش اسوي؟
-انتي: ولاشي بتوصلني وتدورلك جدول.
(قمت وحطيت الصحون بالمجلى ورحت الغرفة وقام وراي)
أنت تقرأ
عبدالله المعيوف
Romanceتخيل / رواية قصيرة عن حامي العرين عبدالله المعيوف (الكاتبة قاعدة تهبد) . . . كل اللي مكتوب من تأليف وخيال الكاتبة ولا يمت للواقع بصلة👍🏻
