(دخلت غرفة ليان وشفت رنا جالسة تسوي شعرها وليان تحط ميكب ومشغلين اغاني ومنطربين)
-ليان: من ذي المزة اللي دخلت؟!!
-رنا: اوف اوف يالكشخة تعالي احصنك حبيبي.
-انتي: هههه اموت عالتعزيزز!
-ليان: شافك المعيوف ولا؟
-انتي: ايش دخل؟
-ليان: اذا ما شافك بشوف ردة فعله هو ما عنده بريكات عادي ياخذك ويطير.
-رنا: يعني بالله بيستناها تروح له؟ اكيد راح وقعد لين ما اختنا في الله طردته كالعادة.
-انتي: ما طردته هو راح!
-ليان: افف يعني شافك صدق؟!
-انتي: غيروا الموضوع لو سمحتوا.
-رنا: بننتت وجهك حمر ايش صار؟؟
-ليان: منجدك؟ انا للحين ما تخطيت كلمة "زوجتي" وش سوى بعد؟
-انتي: افففف بتغيرون السالفة ولا امشي؟!
-رنا: هههههه طيب خلاص خلاص تعالي سوي شعري عشان احط ميكب ونمشي.
-انتي: اوك.
(بعد ما خلصنا رحنا كلنا للملعب وكان هناك احمد ومعه كذا واحد من المتطوعين الاولاد لانهم جهزوا قبلنا وجالسين يولعون الفحم ويضبطون الجلسة. الليلة كانت حرفيا من احلى الليالي ولو اني ندمت اني ما سمعت كلام عبدالله وغيرت ملابسي لانه برد بس كلشي ثاني كان بيرفكت، الاكل والاغاني والسوالف والنار والصور)
-شهد: بنات احس تعودت عليكم كيف برجع لروتيني القديم؟
-رنا: انا شايلة هم ان معد فيه بوفيه كل صباح وفطور خمس نجوم.
-انتي: هههههه البنت تقول بشتاق لكم وذي تفكر بالاكل.
-ميار: بنات شوفوا ليانوه كيف تطالع احمد.
-انتي: بنت عيونك بتطلع خلاص!
-ليان: ها؟ شفيكم تضحكون؟
-شهد: مسوية ثقيلة انتي ووجهك وانتي من جيتي ما شلتي عينك؟!
-ليان: كانت الخطة انه ما يقدر يقاوم جمالي ويجيني بس لعله صار العكس، مو طبيعي كيف طالع يجنن بالكاب!!
-شهد: روحي له طيب اتركي عنك المكابر بعدين بتندمين واليوم اخر يوم.
(ليان فكرت شوي وبعدها راحت عند احمد اللي كان عند النار يشوي)
-ليان: تحتاج مساعدة؟
-احمد: خلصتي من كبريائك اخيرا؟ صارلك ساعة تراقبين من بعيد.
-ليان: ترى اول ما وصلنا جيت وساعدتك بالترتيب بس انت ما قلت ولا كلمة مسوي يعنني مو مهتم.
-احمد: اولا بعدي عن النار، ثانيا ايش تبغيني اقول؟
-ليان: اليوم اخر يوم ما عندك شي تقوله لي؟
-احمد: لا، شي مثل ايش؟
-ليان: اي شي، مثلا قبل شوي البنات يقولون انهم تعودوا عالمكان وبيشتاقون له.
-احمد: هههه اتحداهم لو المعسكر الجاي قالوا بيجون! هم ما صدقوا يخلصون من الكرف هذي بس مشاعر اخر ليلة ههه.
-ليان: مشاعر اخر ليلة؟ يعني ما تحس انك بتشتاق؟ ما تحس انك ما تبي الليلة تخلص؟
أنت تقرأ
عبدالله المعيوف
Romanceتخيل / رواية قصيرة عن حامي العرين عبدالله المعيوف (الكاتبة قاعدة تهبد) . . . كل اللي مكتوب من تأليف وخيال الكاتبة ولا يمت للواقع بصلة👍🏻
