دموع على ورق (مذكرة رقم 3)
"البارت الأول "
احلى شي مر بالسنة الخلصت لكيتج
واحلى شي مر بالعمر
جنت صابر بيها كلش
والله عوضني الصبر
كبل ما مرتني نسمة
تكاسر بريتي العطر
ومن دعيت الله لكيتج
شذرة مو نفس الشذر
الله ما قصر وياي والحمد لله والشكر
*************
*دينا
كاعد بالسيارة وبحضنه علاوي
وعبد الله على چتفة اباوع عليه
واني جايه صوب السيارة بس امشي على
كيف لأن العملية توجعني ،معدتي هيج
فراشات طايرة بيها من منظرهم
"سعادتي كلهم بصورة وحدة كدام عيني"
عضيت شفتي من الوجع وحطيت
ايدي على بطني ،حبست نفسي وعلى
السريع ذبيت روحي بالسيارة حتى
ميلچمني جرحي ،منا اني شوية خوافة
بموضوع الجرح حتى لو محد يمي اخاف
انلچم واتأذة
أول مصعدت گلي نهاد :
ها ضربتج الأبرة ؟
دينا : اي
نهاد : هسة شنو وين نروح ،شنو طلبات
المواطنين ؟
يحچي و يناغي علاوي ،وعلاوي الملهي
بحلگة وبس صافن عليه
دينا: جيب واحد من ايدك شلون
راح تسوق
نهاد : هاج عبودي ،حطه بحضني وضربه على حفاضته بخفة
نهاد: روح عبود ،الله وياك عبود
حطيته عدل بحضني
نهاد : هسة شنو اجيب بس حليب و
حفاضات ؟
دينا: اي ،وهذا الحليب الكتبو الهم بالمستشفى
مموجود بهاي الصيدليات الهنا ،البارحة
محمد اخوي شكد افتر خطية يلا لكاه
وجايب بس وحدة
نهاد: هسة اروح الهاي الصيدلية اليم
المستشفى واجيب منها هو اني جبتة
من عدها
دينا : اكلك حبيبي
نهاد: كولي عمري
دينا: اني يمكن اكو بعد واحد ثالث
ابطني ما طلعو
نهاد : ضحك ضحكة قوية ،شيسوي يعني
عافو بعدة ممختمر ؟
دينا : والله شو اني من جبت كاعد
اشتهي اكلات كلش يعني هيج
عبالك نساوة
نهاد : من الأخير حبي كولي شمشتهية ؟
ضحكت وكتلة
دينا: مشتهية بقلاوة اصابع حارة و
عصير بارد بي ثلج
أنت تقرأ
دموع على ورق (مذكرة رقم 3)
Romanceوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...
