دموع على ورق (مذكرة رقم 3)" البارت الثاني عشر "
'هلي خلو الحچي مدثر
انا شبيدي العمر ركضة
هلي لو بيدي ما اكبر ..
**************
ورة صلاة المغرب مباشرة بيبي بعدها
كاعدة على السجادة تسبح بالسبحة
واني كاعدة بصفها احفظ بدروسي
جان يندك باب البيت مالنا ،بابا جان
مموجود طالع لأن بيبي يمنة خاف تستحي
لو شي ، بس أتغدة وسبح ورجع
راح ،كمت اني للباب اصيح منو
اجاني صوت مو غريب علية
نازك : اني اني
فتحت الباب فرحانة بجيتهم رغم
طيف وسيف ما يرغبون شوفتي بس
بالفترة الأخيرة قبل لا ننقطع عنهم
صرنا نلعب سوة ومنتعارك بس هم
بعدهم حاقدين علي
دينا : هلاو خالة
بوستني
نازك : هلا حبيبتي هلا شلونكم ماما وين؟
دينا : جوة بالغرفة هي وبيبي
فلاح : يمعودات ايدي راحت من العلاليك
فوتن فلك صابجن
وخرت خالة نازك من طريقه وهو فات
ايدة متروسة علاليك فواكه وخضروات
وراه فات حسين وهم بيدة علاليك
مترسة لحوم ودجاج
وهو فايت وبيد العلاليك غمزلي وحچة
حسين : شلونج دودو
جاوبتة واني امشي وراه للمطبخ
دينا : زينة
فاتو للمطبخ هو وابو وخالة فاتت تسلم
على بيبي وماما جان صاح عمو فلاح
فلاح : لا لك لتحطهن بالكاع الجيس يخر دم
الكاع تدمر
حسين : شمدريني بعد حطيتهن
فلاح : امشي جيب صينية طاسة حط
العلاكة بداخلها وحطها بالثلاجة ليخرب
حسين : واني وين اندل
جاوبتة من مكاني واندار علية عمو
ما جان حاس بوجودي
أنت تقرأ
دموع على ورق (مذكرة رقم 3)
Romanceوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...