دموع على ورق (مذكرة رقم 3 )
" البارت السادس عشر "
انساهم يگلبي الوفي
ثوب اعلة جلدك حلو
لادور البي فتگ
لاتحزن على المضى
النخلة ماتت بعد
وما ضل تمر بالعثگ
مثلك ابد ما لگو
خسروك وك ياگلب
خسروك لاتحترگ*******************
اباوع رقم غريب دخلت على الرسائل واقرة
_مرحبا ست دينا اني استاذ مزاحم
رأسن جسمي ضل يرچف انداريت على نهاد جان نايم
هذا شيريد ميتوب لو الة يسويلي مشاكل !
كاتب بعد
_ اسف لأن راسلتج بهذا الوقت بس عندي موضوع وياج
وراهة كاتب
_ اذا مموجودة من تشوفين رسائلي اتصلي علية
الخوف دب بداخلي اني صح ماعندي شي وياه حتى اخاف بس نهاد يتحسس
من عنده ..
قبل أشهر
كنت بشهري الثامن من الحمل، كاعدة بغرفة
المدرسين والمدرسات اصحح بالأوراق
اجتي معاونة السوادس كالت استاذ مزاحم
يريد الدرجات مال هذا الشهر ، اني
مخلصتهن والحمد لله طلابي درجاتهم
تبيض وجهي كدامه ، رحت لغرفته المكتوب
عليها غرفة المدير دكيت الباب واجاني
صوته :
ادخل
دينا : السلام عليكم استاذ
مزاحم : وعليكم السلام تفضلي ست
تقربت للميز مالته حطيت الفايل مال درجات
دينا : تفضل استاذ داز على الدرجات
اخذ الفايل باوع بي وهو يهز راسه بقبول
مزاحم : اي نعم عاشت ايدج مستواهم
رائع ،ست اليوم عندج درس لو خلصتي ؟
دينا : اي عندي بعد درس لشعبة ج واطلع
ليش تسأل ؟
مزاحم : الصراحة اني كلش فخور بتدريسج
واسلوبج ويا الطلاب يعني نتائج نصف
السنة نسبة نجاح الشعب الي تدرسيهم
جانت كلها ناجحة ولا رسوب واحد
عدنا هالسنة وهذا الشي يخدمنا بالوزاري
واني قدمتلج بالتربية على شهادة شكر
على هذا نجاحج ونجاح طلابج و الصراحة
أنت تقرأ
دموع على ورق (مذكرة رقم 3)
Romanceوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...