دموع على ورق (مذكرة رقم3 )
" البارت السابع عشر "
واهس ليل جرحي شكد سوالف بي
علي كل ذكرى مرت تنحسب لچمة
هوت روحي وهوت بس ماهوتها الناس
حچي عيوني سهل بس جيب اليفهمه
**************
الصبح كعدت تلفوني يدك هو يم جهة راسي
رفعت راسي نهاد ندهني
نهاد : شوفي منو
جريت التلفون باوعت رقم غريب بس صورة
مزاحم كلبي وكع بل**
نهاد : منو متجاوبين راح يفزون الجهال
دينا : المعاونة
نهاد : اي جاوبيها
دينا : مابية حيلها عود بعدين اخابرها ،سويت التلفون صامت خليتة خلص المكالمة وحضرته
من جهات الأتصال هم ..
نهاد رجع نام واني دخلت الكروب المدرسة
مال ماسنجر كتبت
_ ست عروبة اكو شي متصلين علية من المدرسة ؟
ست عروبة
_ اهلاً ست دينا ، ماعرف والله بس بعد
الراتب ما جاي
اني مو قصدي على الراتب بس ردت انبه مزاحم ليتصل علية كتبتلها
_ ها عبالي اجة
وطلعت من المحادثة الحد الظهر صليت و
وكاعدة اسبح على السجادة اجت رسالة على الكروب فتحتها
مزاحم كاتب
_ ست دينا ارجو الحضور يوم الخميس بالمدرسة للتكريم قبل لا يعطلون الطلاب للمراجعة
قريتها حطيت لايك وطلعت
علمود هاي كتلت نفسك الة اكلتلك حظر من الواتساب ومن السيم كارت يلا حجيت
نزلت نهاد كاعد بالطرمة على الميز يشتغل
بملفات الكترونية ويمة حاطة بلحچلة عبودي
وعلاوي يتشمسون شوية دام الجو جاي يحتر
والصيف على الأبواب
دينا : حبيبي
نهاد : ها عيني
دينا : ناشرين بالكروب الخميس راح يسوولنة تكريم ولازم اروح والدوام صباحي
نهاد : اي روحي اني اوصلج وياي من اروح
للدوام
دينا: مو شسمة علاوي وعبودي وين اخليهم؟
نهاد : خليهم يم امي
دينا : لا خالة راح تروح الكربلاء بالخميس هي وام سجاد يزورن ومناك يعرفن ملاية يردن يحجزنها
نهاد : ملاية شكو ليش ؟
دينا : لحنة نور مال حفلات يعني
نهاد : ها ،بعد وكت من هسة يحجزن
أنت تقرأ
دموع على ورق (مذكرة رقم 3)
Romanceوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...
