دموع على ورق (مذكرة رقم 3)"البارت الرابع عشر"
تسألني الشوارع وين الاحباب
ووين اليوكفون بعتبة الباب
ابشرك ،،،سلموني بحلگ الذيابنسو في يوم انا جنت خلهم
ما ظلي اهل حتى ارجعلهمانا احباب كلبي ارحلوا كلهم
بالغربة وعلية جروحي صاحت
وحرت مادري اشدهم مدري افلهمما ظلي اهل ما ظلوا احباب
واعز الناس نامو جوة التراب
بقى بس الجرح ،،،والجرح ماطابوين اليوكفولي وأوكف الهم
ماظل الي اهل حتى ارجعلهم************
حزمنة امتعتنا وانطلقنا متوجهين المطار
بغداد الدولي ،اياد وصلنا للمطار وودعنا
ورجع للبيت
اول مرة أسافر خارج العراق وأول مرة
اركب طيارة ،جنت اتمنى هاي اللحظة من
زمان وهسة يا محلاها ويا عائلتي الصغيرة،
ايد بأيد اني وأبو أطفالي و مالك كلبي
ركبنا بالطيارة واحنة نلهج بدعاء السفر
(اللهم انت الصاحب في السفر والخليفة
في المال والأهل والولد ،الله أكبر, الله أكبر,
الله أكبر سبحان الذي سخر لنا هذا وما كنا له
مقرنين, وإنا إلى ربنا لمنقلبون, اللهم إنا
نسألك في سفرنا هذا البر والتقوى ومن العمل
ما ترضى, اللهم هون علينا سفرنا هذا, واطو
عنا بعده, اللهم إني أعوذ بك من وعثاء السفر,
وكآبة المنظر, وسوء المنقلب)
جان يومنا متعب وما نمنا اليوم المضى كله
من رجعنا من المستشفى للبيت نحضر
غراضنا وبعدها للمطار والأنتظار ،الساعة
الي بالطيارة كضيناها نايمين اني وأطفالي
الحد ما هبطت الطيارة شعور حلو ومخيف
بنفس الوقت، نهاد كاعد يتفرج على المنظر
من الشباك الي يمه واني بحضني علاوي
نايم وهو بحضنه عبودي من نزلنا صار صوت
مثل الصرير على الأذن فزز الجهال من
نومتهم وكامو يبچون
نزلنا نسكت بيهم، اني كعدت انتظر نهاد
والمترجم راحو يجيبون الجنط و هذولة
بهذلوني ثنينهم يبچون خلو القاعة مال مطار
أنت تقرأ
دموع على ورق (مذكرة رقم 3)
Roman d'amourوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...