" مشهد 1 "
طلعت من الجامعة السايق واكفلي
على الشارع المقابيل بوابة الجامعة
عبرت الشارع واول ما صعدت سلمت على
الرجال وكتله :
عمو فدوة لبيت *** ونوب لبيتنا
ساق السيارة متوجه لبيتهم واني
روحي تلوب عليه شلون حاله هسة
شلون اخفف عنه شلون راح يتخطى
وختمت تساؤلاتي واني ادعي كون من اوصل
الكاه راجع لطبيعته وواكف على حيله ..
نزلت يم باب بيتهم اباوع سيارة اخوه
موجودة كلت للسايق :
روح عمو لتنتظرني اني ارجع
دكيت الباب محد طلعلي، باوعت من فتحة
الباب احذية هواي يم باب المدخل
مديت ايدي وفتحت الباب ودخلت
من وصلت لباب المدخل انفتح الباب جان
اخوه و وياه واحد يردون يطلعون
_ ها خوية شلونج
هلاو اني الحمد لله ،سألته عليه شلون صار ؟
_ طلع من المستشفى بس وضعه النفسي تعبان
ضميت شفتي بقهر وفتت لداخل البيت
لگيت الأستقبال مليان كرايبهم كاعدين يم امه
وهي معلگين مغذي بيدها ووجهه مورم
من البچي من شافوني سكتو سلمت على
امه بصوت خافت وسألتها : وينه ؟
جاوبتني بصوتهة المجرح من كثر الصريخ
_فوگ بغرفته
ترخصت منهم على استحياء وصعدت
لغرفته طرقت الباب على كيفي لا رد ولا فتحه
حطيت ايدي على يدة الباب افتح بيها متنفتح
مقفولة .
قربت راسي للباب وكصتي عليه
- افتح الباب، هاي اني ،حبيبتك وصديقتك..
ماكو رد ،دكيته هالمرة اقوة وكلبي يدك
اقوة من الخوف، احرك بيدة الباب حيل
اريد اخلعها اتهسترت كلبي انعصر اريد اعيط
بأعلى صوتي عليه بس اكو بداخلي أمل
راح يسمعني راح يفتحه راح يتحسن
الخاطري كتله واني ابچي تعبت من غيابه عني
- عليك الله افتح الباب ، اضرب بالباب واحجي
- اذا الي ذرة خاطر عندك افتحه لتخوفني عليك .
**********
" مشهد 2 "
كعدت محترة، الغرفة ظلمة وهدوء فتحت
الأضوية و دخلت للحمام سبحت بمي بارد
صحصحت كملت وواكفة يم الميز
انشف شعري بالخاولي اريد امشطه لفتني
صوت جاي من جوة استغربت لأن ادري
محد موجود بس اني !معقولة احد رجع ؟
او يجوز اجانة أحد عفت المشط على الميز
حطيت الخاولي على جتفي وكمت فتحت
الباب اشوف منو جوة واقطع الشك باليقين ..
لابسة الحفاية مال غرفة صوت خطواتي
مينسمع واني انزل من الدرج وصلت لأخر
بايتين شفت باب غرفة خالتي مفتوح
اتقربت بخطواتي اريد افوت للغرفة
اشوف منو منهم رجع وانصدمت بجسم
رجال منطيني ظهره وملثم وجهه وشعره
بشفقة حطيت ايدي على حلكي متراجعة
بخطواتي وهو فاتح كنتور خالتي وصلت
للدرج وحس علية ما احس الة اجة يركض
تجاهي واني عيطت بكل صوتي واركض
اريد بس اوصل لغرفتي اول ما حطيت
رجلي بلغرفة جاي ادفع الباب اقفله حط
رجله مانعني اسده ضليت اصرخ الحكولي
ياربي دخليك وهو يدفع واني ادفع بالباب
وكل لشتي ترجف وماكو على لساني غير
ربي دخليك .
*****************
" مشهد 3 "
سبحتني واني كاعدة جوة ايدها ساكتة
وطلعتني من الحمام تنشف بية
لبست نفنوف لون احمر جايبتلي
وبي نفشة من جوة ،جان بسيط
بس حلو صارلي مدة ملابسة هيج
كعدت تمشط شعري واني اتلمس بالفستان
وما احس الة خصل شعري كلهن
وحدة وحدة يوكعن كدامي!
لزمت شعري اشوفة كلة وكع بيدي
انداريت عليها وانفجرت ابچي
دينا : هاي شسويتي ليش كصيتي شعري!
............
دموع على ورق (مذكرة رقم 3)
بقلمي zahraa_habeb
أنت تقرأ
دموع على ورق (مذكرة رقم 3)
Romanceوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...
