" دموع على ورق (مذكرة رقم3)"
"البارت العشرون "
ما تعرف شنو اليوجعني وتگول
ليهمك ترى جروحك بسيطة
وجهي مجعد امبين علي الضيم
مثل شكل العراق البالخريطة
*****************
كاظم : ها شبيها رقية ؟
يحجي وعيونه خازرتني جاوبه حسين
حسين : دكول كاعد تبچي جوة ،هسة
راح اخذها يمي برة
كاظم : ها خوش ،اني راجع للبيت
عود عينك على محمد ومرتضى يمك ابني
ما اوصيك
حسين : ليضل بالك عمو اني يمهم
طلعو برة واني فتت للبيت مخلوسة
خاف سويت شي غلط ؟لا ممسوية هي
ماما كلتلي ،خاف يضمها الي يحاسبني
بعدين؟ اهوو هسة خليني اتونس وبعدين
شيصير خلي يصير
دخلت للهول النسوان بعد ما تغدن
واخذن كيك وببسي وراحو اهل العريس
بدن ينسحبن لبيوتهن، شوية فرغت الساحة
باوعت امي ملتهية والاغاني عالية
نزعت الشال جنت مسوية ضفيرة
فتحتها صار شعري كيرلي من الله
وشد ابو النظيف الحد ما وصلت مرحلة
نزع الحذاء وكمت اركص ويا بنات حتى ما
اعرفهن من اقارب عمو فلاح الله يرحمه
بس المهم نتشارك الرقصة ،البنات
صاحوهن اهلهن راحن اني گلت كافي
خلي انسحب لا امي تجي تطيح حظي
هم نزعت الشال وهم نزعت الحذاء
هسة احصلي رزالة منها ومناك تنتظرني
رزالة من بابا مدري عليمن بس هيج
هو بمزاجه يجوز مزاجه يريد يرزلني
يجوز ينساني
كعدت على الكرسي البس بالحذاء
تبارك راحت للمطبخ كالت جعت بقت
طيف وشلتها اخذت شالي وتوجهت
للمطبخ جان ينزل حسين من الدرج!
مبدل ملابس البيت واني كفشتي مكشوفة
اجتني الصفنة معرفت شسوي؟ اشرد ؟
أنت تقرأ
دموع على ورق (مذكرة رقم 3)
Roman d'amourوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...
