دموع على ورق (مذكرة رقم 3)
"البارت الحادي عشر "
مو گلت عايفهم شكد جذبت
ليش من تفوت منهم تلتفت
مو گلت كسرت الاقلام ومشيت
ليش بعدك تكتبلهم ماتبت
ليش ماليك الوفة اتعدة النسوك
هواي عندك وادم تريدك شجاك
شمالك ويا الفارگتهم چلبت
*************
جان خبر كلش حلو بوكتها ماما وبابا
ثنينهم لازمين الورقة مال تحليل
ويبچون من الفرحة
وليل كله ماما نهى حاضنتني وتبوس بية
ودكولي
نهى : وجهج خير علية ،ولج بطني شالت
طفل واني صار سنين اتمنى اصير أم
واني اباوعلها واضحك فرحانة على فرحتها
يومية قبل لا انام ابوس بطنها واحجي ويا
الطفل وكلش فرحانة بهذا الشعور
وماما دكولي انتي اختة الجبيرة من يجي
للدنيا تشيلينة وتلعبين وياه
واني احسب وياها شهر شهر شوكت
يجي للدنيا .
اول يوم بالمدرسة الي جان وماما حامل
'بمحمد' بيومها ماما كعدتني من الصبح
لبستني ملابس المدرسة
وسوتلي لفة وحطتلي بطل مي لأن جان
الجو حار ،وسوتلي شعري نافورات صغار
لأن شعري جان ولادي وتوه بدة يطول
وصلتني الباب المدرسة وهي توصي بية
وبعدها راحت
دخلت للمدرسة مثل التايهة ماعرف أحد
ولا أحد دخل وياي ،اباوع الأطفال
مجلبين بأمهاتهم يبچون مايرضون
يرحن واني بكلبي صح فرحانة
بس ما اعرف أجت خنكة بصدري من
الوحدة الأني بيها
أجت معلمة مدري معاونة نظمت وكفتنا
للأصطفاف ورجعت الطويلات ورة
واني وكفتني بالسرة الأول اني ووحدة
وياي هم جان طولها مثلي
بعدها حجت المديرة كلام عن النظافة
أنت تقرأ
دموع على ورق (مذكرة رقم 3)
Romanceوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...
