دموع على ورق (مذكرة رقم 3)
"البارت الخامس عشر"
كل ليلة تمر تاخذ بقايا الروح
وهموم الليالي ثگال..
طيبتنا بحر
ومخزنين سلال ..
مستورة معانا والحمد لله
مارحنا على واحد واشتكينا الحال
************
جان حزري منو طلع حاط هاي الفكرة براسة
دينا : منو ؟
صارت تشهگ حيل وحتى بلعومها أحسة تجرح
نور : غيث
دينا : غيث اخوه ؟
نور : ايي
وتمسح بدموعها
دينا : ليش هيج يسوي ؟
نور : يريدني انفصل عنه ،حتى قبل فترة
هددني افسخها يريد
هنا تذكرت من رجعت من المستشفى ورقية
سولفتلي :
رقية : اكلج دينا
جاوبتها بحدة
دينا : ها شكو ؟
رقية : حماتج هاي نور الي انخطبت ..
دينا : اي شبيها؟
رقية : خطيبها شنو اسمه؟
دينا : ليش تسألين ؟
رقية : بس كولي واني اكلج
دينا : اسمه رياض
رقية : رياض!
دينا : اي ليش؟
رقية : متأكدة مو غيث؟
دينا : ليش هيج تحجين ؟
رقية : لأن من رحتو اني وريحانة ضلينا
يم التؤام هنا بغرفتج وانوب اجت حماتج
نورس وكعدنا بغرفة رسل نسولف وهاي
حماتج نور جانت جوة ،واني نزلت اريد
احط مي حار للممة مال علاوي لأن رسل
كالت اكو هيتر على الكاونتر جوة رادت هي
تنزل تحمي بس ما خليتها ومن نزلت جان
الجوة محد اكو لأن كلنا فوگ بس هي، ومن
ادخل للمطبخ الگة حماتج نور واكف يمهة
واحد بالمطبخ مالكم جانو يحجون مدري
شنو من طبيت سكتو
جان الولد باوع علية اني استحيت منه
عبالي هو هذا خطيبها دنكت راسي فشلانة
كلتلهم بس اريد احمي مي للممة ،جان هو
دار وجهة مني من شافني استحيت منهم
وكال تفضلي اخذي راحتج وطلع من المطبخ
أنت تقرأ
دموع على ورق (مذكرة رقم 3)
Romanceوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...
