دموع على ورق ( مذكرة رقم 3)
"البارت الثالث"
الله يساعدك
يالناسك تخون
تكبر وتتمنة تصير جاهل
تباوع عالجرح من هامتك بيك
وتشوفه الحد چعب رچليك واصل
****************
فتحت التلفون كتبت فاطمة تريد
تتصل لزمت ايدها وسحبت التلفون
من ايدها على السريع دخلت على فطومتي
اقرة الرسائل وكف شعر راسي
كلة حچي حب وغزل وغراميات اختي
معقولة هاي اختي اريد اجذب روحي
واكول لا هاي مو هية هاي غيرها
اتصلت على الرقم حطيتة على اذني
جان ينفتح الخط !
_ها حبي شو انسد ؟
انصدمت سديتة بوجهة بلا تفكير
جريتها من شعرها للمطبخ ،وهية
حاطة ايدها على حلگها متريد تصرخ
من الوجع وأحد يسمعها ،دفعتها حيل
وضربتها راشدي اني ايدي كامت توجعني
من قوتة ،كد ما محروك كلبي منها
دينا :لج انتي منو ،اختي رقية
الأعرفها وين هاا ،اختي الي همها
بس دراستها وتفوقها وين ؟
احجي وادفع بيها
هذا منو ؟احجي منو هذا الخلاج
هيج تسوين ؟ شنو هذا الكلام الي
بينكم ؟منو هذا الي حتى تثقين
بي الهاي الدرجة وتحچين وياه
هيج كلام مال بنات شارع مو بيت؟
تحجي وتبجي : صوتج اللّه عليج
نصي صوتج ليسمعون شبيج تردين
تفضحيني ؟
دينا: خفتي انتي؟خفتي يا ادبسز
ما خفتي من تحجين وياه هيج حجي ؟
ما حسبتي حساب لسمعة اخوتج؟
ماحسبتي حساب لشيبات ابوج ؟
ما حسبتي حساب لتعب امج وتربيتها عليج
يا متستحين ؟
رقية : شبيج نصي صوتج انتي
الة تخليهم يسمعون شكد خبيثة
دومج تغارين مني ودومج تقارنين
حياتج بحياتي
دينا : انتي شكاعد دكولين حيوانة
رقية : ولي تسوين نفسج كلبج
علية هو انتي تكيفين يأذوني
لأن تغارين مني ولأن بابا يحبني
اكثر منج
دينا : كل جسمي كام يرجف ،كلامها
هز جسمي مثل السعفة ،ماكدر حتى
اجمع الكلام بلساني وارد عليها
عيوني انترسن دموع حتى ماكدر ابجي
لج ،لج اني اختج ولج! لج اخاف عليج
وعلى سمعتج !اني ،اني خبيثة واريدلج
الأذية ؟
أنت تقرأ
دموع على ورق (مذكرة رقم 3)
Romanceوالجرارة الثانية فتحتها وشفت ثلاث مذكرات وحدة فوك الثانية ،كل وحدة بلون ،حطيتهن كبالي على الميز وتلمستهن بأصابعي كل وحدة مخطوط عليها أسمها بقلم خط أسود مذكرة رقم 1 بداية الألم، مذكرة رقم 2 بداية الأمل ،مذكرة رقم 3 نقطة الرجوع .. *دموع على ورق (مذكر...
