𝐏𝐚𝐥𝐥𝐨𝐧𝐜𝐢𝐧𝐢

Chapter 1

~2033 Oct~

တိမ်ကင်းစင်ပြီး ရှင်းလင်း ပြာလဲ့နေတဲ့ကောင်းကင်ကြီးနဲ့ နေရောင်ခြည် ဖြာဖြာလေးကျနေတဲ့ တစ်နေ့။

လမ်းပေါ်မှာ အစီအရီ လှုပ်ရှားသွားလာနေတဲ့ လူတွေက နေ့စဉ် ပန်းချီကားချပ်တစ်ခုကို အသက်ဝင်စွာ ရေးဆွဲနေသယောင်။

Mapo Gu, 'J' Shopping Mall ကြီးရဲ့ အောက်ဆုံးထပ် ကျယ်ဝန်းတဲ့တစ်နေရာမှာ ပိုစတာ အများအပြားနဲ့ ဂုဏ်ပြုပန်းခြင်းတွေ စီတန်းနေစွာ တည်ရှိနေပြီး ပွဲတစ်ခုအသွင် ဆောင်နေသည်။ အရောင်အားလုံးကို မိုးပြာရောင်များနဲ့ အလှဆင်ထားပြီး အဖြူနှင့်မိုးပြာရောင် စပ်ထားတဲ့ အစွပ်လေးတွေ အုပ်ထားတဲ့ ထိုင်ခုံများ၊ ပြီးတော့ သူ့အရှေ့က စတိတ်စင်တစ်ခု။

အခမ်းအနား ပတ်ပတ်လည်မှာတော့ စာအုပ်ကိုယ်စီနှင့် လူတွေရှုပ်နေပြီး ထိုင်ခုံပေါ်က လူတွေအပြင် Shopping Mall ထဲ လာတဲ့သူတချို့ကပါ စတိတ်စင်ရဲ့ တစ်နေရာဆီကိုသာ အကြည့်တွေ ရှိနေလေရဲ့။

"စာရေးဆရာ 햇빛 ရဲ့ 𝐏𝐚𝐥𝐥𝐨𝐧𝐜𝐢𝐧𝐢 စာအုပ် လက်မှတ်ထိုး အခမ်းအနား"

ရွှေအိုရောင်စာသားနှင့် ခန့်ထည်စွာရေးထားတဲ့ စာသားက စတိတ်စင်ရဲ့ နောက်ခံပိုစတာအဖြစ် ဝင့်ကြွားစွာ တည်ရှိလျှက်။ ထိုစတိတ်စင်ပေါ်မှာ ဆိုဖာအပြာရောင်လေး နှစ်ခုရှိနေပြီး အသံတချို့က စတင် ကြားရတော့တယ်။

"တစ်နှစ်ကျော်လောက်ကြာမှ ဆရာ့အနေနဲ့ စာအုပ်ပြန်ထုတ်ဖြစ်တာဆိုတော့ ဒီကြားထဲ စာရေးရတာ အခက်အခဲ ဖြစ်ခဲ့တာမျိုးရော ရှိလား"

"ဟုတ်။ တကယ်က ကျွန်တော့်အနေနဲ့ စာအုပ်ထုတ်ဖို့ ကြာနေတာပဲ ရှိတာပါ။ စာရေးတာကတော့ ဒီအတောအတွင်း အဆက်ပြတ််မနေတာမို့ အခက်အခဲရယ်လို့တော့ မရှိခဲ့ဘူး"

မေးလာတဲ့မေးခွန်းကို ပေါ့ပေါ့ပါးပါးလေး ပြန်ဖြေပေးနေတဲ့ အမျိုးသားတစ်ယောက်။ အစိမ်းနုရောင် ဆွယ်တာအင်္ကျီနဲ့ အဖြူရောင် style pant ကို တွဲဖက် ဝတ်ဆင်ထားပြီး နက်မှောင်တဲ့ ဆံပင်ကို အသေအချာ ပုံသွင်းထားတယ်။ အဲ့ကြားမှ နဖူးပေါ် ကျလာတဲ့ ဆံပင်တချို့ကိုတော့ ဘေးဖက်ကို ပို့ထားတဲ့သူက ပြောလက်စကို ဆက်ပြောတယ်။