~ 2026, August ~
ပြိုးပျက်ပျက် မီးရောင်စုံတွေကြားထဲ လန်းဆန်းတက်ကြွတဲ့ တီးလုံးသံတွေအောက်မှာ လူတချို့က ငြိမ်သက်စွာ ရှိနေပြီး အလယ်တည့်တည့်က အဖြူရောင်စတိတ်စင်ပေါ်ကိုသာ မျက်လုံးအကြည့်တို့ ရောက်နေကြတယ်။
'ဘယ်အချိန်မှ ထွက်လာမှာလဲ'
မက်သရူးဆီက ငှါးလာတဲ့ ကင်မရာကို လက်ထဲကိုင်ရင်း အသင့်အနေအထားနဲ့ ထယ်ရယ် စင်ပေါ်မှာ မျက်တောင်မခတ် စောင့်နေတာ။
အဲ့အချိန် စတိတ်အနောက်ဖက်ကနေ တန်းစီ ထွက်လာတဲ့ လူအုပ်။ ပြီးတော့ ထယ်ရယ့်ရဲ့ ခေါင်းဖြူဖြူလေးကို မြင်လိုက်ချိန် အဆက်မပြတ် ထွက်လာတဲ့ အသံ။
'ကလစ် ကလစ် ကလစ် ကလစ် ကလစ်'
ပါးချိုင့်နှစ်ဖက်ပေါ်တဲ့အထိ ပြုံးရင်း လက်မလေးထောင်ပြတော့ သူရှိရာဖက်ကို လှမ်းကြည့်တဲ့ စတိတ်စင်ပေါ်က လူသား။
'ကင်မ်ထယ်ရယ်တို့က မူလတန်းကလေး အားပေးသလို ဘာလို့ လက်မလာထောင်ပြနေတာတုန်း'
စိတ်ထဲက ခပ်တိုးတိုး ငြီးရင်း ရစ်ခီ ခပ်ရေးရေးသာ ပြုံးမိတယ်။
"ရှန် ရှန် ရှန် ရှန်"
ဘေးကနေ လွယ်ထားတဲ့ ကင်မရာကို ကြည့်ရင်း တတွတ်တွတ်ခေါ်နေတဲ့ ဘဲပေါက် Rae ကြောင့်။
"လူကို ခဏခဏ ခေါ်ပြီး ကင်မရာပဲ ကြည့်နေတော့မှာလား ကင်မ်ထယ်ရယ်ရှီး"
"ဟာ ရှန်ကလဲ Rae ကြည့်နေတဲ့ ကင်မရာထဲကသူကလည်း ဒီက ရစ်ခီရှန်ပဲကို။ ပုံထွက်ကောင်းမကောင်း ပြန်ကြည့်တာပါ"
သူ့ရှေ့က ကောင်လေးရဲ့ ခေါင်းကို လုပ်နေကျအတိုင်း ခပ်ဖွဖွလေး ရစ်ခီ ပွတ်ပေးရင်း
"ဟုတ်ပါပြီ။ ကိုယ်တို့ အတူတူ မုန့်စား..."
"ရစ်ခီ"
ခပ်လှမ်းလှမ်းက အသံလာရာဆီ ထယ်ရယ်တို့ ကြည့်မိတော့ သူတို့ဆီ လှမ်းလာတဲ့ ဟာအိုဟျောင်း။
"Congratulations ရစ်ခီ။ နောက်ဆုံးတော့ ရှိုးပွဲတောင် စလျှောက်နေရတဲ့ မော်ဒယ်ရစ်ခီရှန် ဖြစ်နေပြီပေါ့"
"ဟျောင်းပြောတော့ မအားဘူးဆိုလို့ မလာတော့ဘူး ထင်နေတာ"
"အလုပ်က ထင်ထားတာထက် စောစောပြီးသွားတော့ လမ်းကြုံတာနဲ့ လာလိုက်တာ။ အာ ထယ်ရယ်လည်း ရှိနေတာပဲ"
YOU ARE READING
𝐏𝐚𝐥𝐥𝐨𝐧𝐜𝐢𝐧𝐢
Fanfiction"Maybe, we got lost in translation" // Ricky and Taerae • Written in burmese • Fanfiction
