~ 2033, Present ~
"ရစ်ခီ ဘယ်သွားမှာလဲလို့"
"အာ ဆော်ရီးဟျောင်း။ စဉ်းစားလွန်သွားလို့။ Mapo-gu က J Mall ကို"
ရစ်ခီ့စကားအဆုံးမှာ ဖြည်းဖြည်းချင်း ထွက်သွားတဲ့ ကား။ လမ်းတလျှောက်လုံး ပြတင်းပေါက်ကို ရစ်ခီ ငေးကြည့်နေတာ ဒီနေ့မှ ရာသီဥတုက ပိုသာနေသလို နေရောင်ခြည်တွေက ဖြာလဲ့လဲ့။
"ဟျောင်း ဟိုအရှေ့နားက ပန်းဆိုင်မှာ ခဏလောက် ရပ်ပေးလို့ ရလား"
ကားရပ်သွားတော့ ရှေ့ခပ်လှမ်းလှမ်းမှာ မြင်နေရတဲ့ ပန်းဆိုင်လေးကို ရစ်ခီ ထိုးပြရင်း
"ဟျောင်း ဒေစီအဖြူရောင်ကို အပြာရောင်စက္ကူကပ်ပြီး ပန်းစည်းလေး ထုပ်ခဲ့ပေးနော်။ ပြီးရင် ရွှေအိုရောင် ကြိုးလေးနဲ့ ..."
"ထုံးစံအတိုင်းပဲမလား"
"အင်း"
မန်နေဂျာဟျောင်းက ကားပေါ်က ခပ်သွက်သွက် ဆင်းသွားတယ်။ သူမရှိတုန်း ရစ်ခီ ဖုန်းကို ဖွင့်ကာ တစ်စုံတစ်ခုကို ကြည့်နေမိတုန်း ခဏအကြာ ဟျောင်းက ပန်းစည်းတစ်ခုကို ကိုင်ရင်း ကားပေါ် ပြန်တက်လာတယ်။
"ရော့ ရစ်ခီ။ မှန်တယ်မလား"
"ကျေးဇူး ဟျောင်း"
ရပ်ထားတဲ့ကားက အရင်တိုင်း ဖြည်းဖြည်းချင်း မောင်းနှင်သွားပြီး ရစ်ခီက ခုနကအတိုင်း အပြင်ဖက်ကို ငေးလိုက် နေလေရဲ့။
ရစ်ခီထိုင်နေတဲ့ခုံရဲ့ ဘေးဖက်က ခုံအလွတ်မှာတော့ မိုးပြာရောင်စာအုပ်တစ်အုပ်နဲ့ ခုနကမှ ဝယ်လာတဲ့ ပန်းစည်း။ ပန်းစည်းကို ချည်ထားတဲ့ ရွှေအိုရောင်ကြိုးလေးရဲ့ အဆုံးသတ်မှာ ကတ်အဝိုင်း သေးသေးလေးတစ်ခု။
အဲ့ဘေးမှာတော့ Display မှိန်နေရင်းက screen lock ရစ်ခီ့ရဲ့ဖုန်း။ Display ပိတ်ကျမသွားခင် ဖုန်းအပြည့် နေရာယူထားတဲ့ "စာရေးဆရာ 햇빛 ရဲ့ စာအုပ် 𝐏𝐚𝐥𝐥𝐨𝐧𝐜𝐢𝐧𝐢 မိတ်ဆက်ပွဲ Oct လထဲတွင် ပြုလုပ်မည်" ခေါင်းစီးနဲ့ သတင်းတစ်ခု။
ရွှေအိုရောင်မှင်နဲ့ ရေးထားတဲ့ ခုနက ကတ်ပြားပေါ်မှာ စာလုံးက သုံးခုတည်း။
'Rae' တဲ့။
-------------X------------
~ 2024, end of February ~
YOU ARE READING
𝐏𝐚𝐥𝐥𝐨𝐧𝐜𝐢𝐧𝐢
Fanfiction"Maybe, we got lost in translation" // Ricky and Taerae • Written in burmese • Fanfiction
