~ 2024, July ~
"ဟာ တကယ်ပါဆို။ အဲ့တုန်းက ရှန်ရွေ့က တံတားပေါ်ကနေ ငါ့ကို တည့်တည့် ကြည့်ပြီး လှမ်းပြောတာ။ ကင်ထယ်ရယ် ငါနဲ့ ဒိတ်လုပ်ပေးနိုင်မလားဆိုပြီး"
အဆောင်တစ်ခုလုံး ကြားနိုင်တဲ့ အသံနဲ့ ထယ်ရယ်က မက်သရူးကို ဖုန်းထဲကနေ အားရပါးရ ပြောမိနေတော့တာ။
"အဲ့တော့ မင်းက ဘာပြန်ပြောလိုက်တုန်း"
"အင်းပေါ့။ ဒါကို ငါဘယ်လောက် မျှော်နေခဲ့ရလဲ မင်းလည်း သိသားနဲ့"
"ဒိတ်တော့မယ်ဆိုတော့ ရှန်ပရေးရှင်းကြီး အောင်မြင်တော့မှာပေါ့ ကင်မ်ထယ်ရယ်"
"ကြည့်နေ တွဲဖြစ်သွားတာနဲ့ တစ်ကျောင်းလုံးကို ဒါငါ့ကောင်လေးပါလို့ ပတ်ကြွားမှာ"
မက်သရူးနဲ့ အားပါးတရ ဖုန်းပြောပြီးတော့ ကုတင်ပေါ်ကို စိတ်လွတ်ကိုယ်လွတ် လှဲချမိတယ်။
ပထမနှစ်ဝက်ပြီးထားတဲ့ ကျောင်းပိတ်ရက်မို့ အဆောင်မှာ လူနည်းပြီး ဂယူဘင်းလည်း မရှိလို့သာ တော်သေးတယ်။ ဂယူဘင်းက ရစ်ခီတို့ကို သူ့ထက်အရင် ခင်တာမို့ တစ်ခုခုဆို မက်သရူးကို ပြောပြရတာက သူ့အတွက် ပိုလွတ်လပ်သလို။
လှဲနေရာမှ ကုန်းထရင်း အဝတ်ဗီရိုဆီ ထယ်ရယ် သွားမိတယ်။ မနက်ဖြန်က ရစ်ခီနဲ့ တွေ့ရမှာမလား။ အသေအချာလေးတော့ ပြင်ဆင်သွားချင်တာ။
-------------X-------------
Shopping Mall အလယ်တည့်တည့်က ကွက်လပ်ဖြစ်နေတဲ့ နေရာတစ်ခုကို ရွေးပြီး ရစ်ခီ ရပ်စောင့်မိတယ်။ ဖုန်းကို ထုတ်၊ နာရီကို ကြည့်တော့ ချိန်းထားတဲ့အချိန်ကွက်တိ။ ပုံမှန်ဆို စောရောက်လေ့ရှိတဲ့ ထယ်ရယ်က ဒီနေ့မှ ဘာလို့ နောက်ကျနေတာပါလိမ့်။
"ရှန်ရွေ့။ ငါဒီမှာ"
ခပ်ကျယ်ကျယ် အသံတစ်ခုက ရစ်ခီရဲ့ အတွေးတွေကို ရပ်တန့်စေတာမို့ အသံလာရာဆီ အကြည့်လွှဲမိတော့ ခပ်လှမ်းလှမ်းကနေ လျှောက်လာတဲ့ တစ်စုံတစ်ယောက်။
"ဆောရီး။ ငါနည်းနည်း နောက်ကျသွားတယ်မလား"
လျှာလေးထုတ်ရင်း ပြောနေတဲ့ ထယ်ရယ်ကြောင့် တိုးလျလျ ပြုံးရင်း အစိမ်းရင့်ရောင် ဖိနပ်တစ်စုံရှေ့ကို မျက်စိရောက်သွားခဲ့တာ။ နောက်ကျနေတာ အဲ့ sneakers အမြင့်ကြီးကြောင့် ဖြစ်မှာ။
YOU ARE READING
𝐏𝐚𝐥𝐥𝐨𝐧𝐜𝐢𝐧𝐢
Fanfiction"Maybe, we got lost in translation" // Ricky and Taerae • Written in burmese • Fanfiction
