See,that's my soldier. 🔞

შესავალი

გრემი:

მას შემდეგ რაც იმ საბედისწერო ღამეს,როდესაც ტავიმ ჩვენი გატაცება სცადა,სიკვდილს ჩავხედეთ თვალებში.მცირე ხნით შესვენება გადავწყვიტეთ.რა თქმა უნდა ერთმანეთთან ისევ ყოველდღიური შეხება გვქონდა.ერთად იმდენი რამ გამოვიარეთ,უცნაური იქნებოდა ჩვენი ცალ-ცალკე ყოფნა.ძველებურად ვიკრიბებოდით ავტოფარეხში როცა დალევა ან უბრალოდ საუბარი მოგვინდებოდა,მაგრამ უახლოეს მომავალში რაიმე არა კანონიერის გაკეთებაზე ან რომელიმე ბიზნესმენისთვის საქმის გაფუჭებაზე უარი ვთქვით.
სინამდვილეში ეს ყველას იდეა იყო.იოკი ჭრილობას უნდა მოფრთხილებოდა,გუმპას თავისი საქმეები ჰქონდა,შონი კი იმდენად იყო ჩაძირული ტყუპისცალის სიყვარულში,რომ ჩვენმა მცირედმა გამარჯვებამ სავსებით დააკმაყოფილა და დროებით ბედნიერებით ტკბობა ამჯობინა ახალ პრობლემებში გახვევას.