ရေတံခွန် မှ ထွက်လာကတည်း က အငိုတိတ်သွားပေမယ့် ခန့်စေရဲ့ ကျောပြင်ကို ပါးအပ်ထားကာ တင်းကြပ်စွာ ဖတ်ထားရင်း ငြိမ်ငြိမ်လေး လိုက်လာတဲ့ အသေးလေးက တစ်ချက် တစ်ချက် ရှိုက်နေသေးတာမို့ တစ်ခါ ရှိုက်တိုင်း တွန့်သွားတဲ့ ကိုယ်လုံးလေးကြောင့် ခန့်စေ ကျောပြင်မှာ လှုပ်သွားသည့် ခံစားမှုအသေးစားလေး ခံစားရ၏။ ရေတံခွန် အထွက်မှာ လမ်းဆိုးတာမို့ သေချာဖတ်ထားဖို့ ပြောသည်ကို တသွေမသိမ်း လိုက်နာတဲ့ အသေးလေးက အခုထိခါးကိုတင်းတင်းကြပ်ကြပ်ဖတ်တွယ်ထားတာ မလွှတ်သေးပါ။
ကြောက်စိတ်ကြောင့် ဖတ်တွယ်ထားတာ သိပေမယ့် အလိုက်မသိတာက ခန့်စေရဲ့ ဝဲဘတ်ရင်အုံထဲ ကိန်းအောင်းနေတဲ့ နှလုံးသား ပင်။ အပြင်ကို ပေါက်ထွက်မတက် ခုန်ပေါက်နေရုံမကပဲ
လူကိုနေရခက်အောင် တဒုတ်ဒုတ် နဲ့ အသံတွေပြုနေလိုက်တာများ။
ခန့်စေ ဆိုင်ကယ်ကို အရှိန်လျော့ကာ အနောက်ဘက်က အသေးလေးကို လှည့်ကာ အဆင်ပြေ မပြေ မေးပြန်တော့လည်း အတွေးလွန်နေတဲ့ အသေးလေးက ကြားဟန်မပေါ်တာမို့ ရွာနားက ရပ်တော်မူဘုရားကုန်း အတက်နား ရောက်နေပြီဖြစ်သည့်အတွက် ဘုရားစောင်းတန်းနားတွင် ဆိုင်ကယ်ခဏရပ်ကာ အသေးလေးပုခုံးအား ဖွဖွကိုင်ကာ ဘုရားပေါ်တက်မည့် လှေကားထစ်နားခေါ်လာလိုက်သည်။ အိမ်သို့ပြန်ရောက်ရန်လည်း သိပ်မလိုတော့တာမို့ အသေးလေးကို ဒီပုံစံနဲ့ အိမ်ပြန်ပို့ပေးလို့ မဖြစ်ပါ။ အန်တီချို စိတ်ပူရသလို စိတ်မကောင်းလည်း ဖြစ်သွားမှာ ဆိုးတာမို့။ အကြောက်ပြေအောင် နားချရပေအုန်းမည်။
" လမင်း အဆင်ပြေရဲ့လား "
"......."
" လမင်း "
"ဟမ်! ဟင် .. အိမ်...အိမ်ပြန်မယ်လေ "
"ကြောက်နေသေးလား "
" အင်း ~~~ကြောက်တယ် "
" ကျွန်တော် ရှိတယ်လေ နော် အခု အိမ်ရောက်တော့မှာ လမင်း
ဒီလိုပုံစံနဲ့ အိမ်ပြန်လို့ဖြစ်ပါ့မလား "
"ဟင့်အင်း ~~~"
"ဒီမှာ ခဏ ထိုင်ချင်သေးလား "
YOU ARE READING
ချစ်ချင်လို့ ချစ်တာ ( Complete)
Romanceခဏခဏ ရည်းစားစကားအပြောခံနေရရင် အဖြေပေးဖို့ စဉ်းစားတော့လေ အကြောင်းပြချက်ပဲ မေးနေတာ မမောဘူးလား ခင်များ ဦးနှောက်သေးသေးလေးထဲ သေချာမှတ်သွား ကျုပ်''ချစ်ချင်လို့ ချစ်တာ'' (ခန့်စေထွဋ်နောင်)
