သီတင်းကျွတ် လပြည့်နေ့။
"အိုက်လမင်းသာ အဆင်သင့်ဖြစ်ပြီလား "
"အင်း~~ဖြစ်ပြီ"
" အဲ့တာဆို ကန်တော့စာ တွေ သေချာဖွက်လာခဲ့ အနောက်ကပတ်ဝင်ပြီး သွားမယ်"
"အင်းပါ ရိုးရိုးတန်းတန်း ကန်တော့လည်း ရနေတာကို အိုက်လျှမ်းကလဲ"
"ဟာ မုန့်ဖိုးလေးနဲ့ စုပြီး ကန်တော့တာကို Surprise ဖြစ်အောင်လုပ်ရမှာပေါ့ ဒါမှ မုန့်ဖိုး များများရမှာ ညကျ ပွဲသွားလည်ရင် ရေလျှံနေအောင် "
"ဟွန့် သိတတ်လို့ ကန်တော့တာကနည်းနည်း မုန့်ဖိုးလိုချင်လို့
ကန်တော့တာကများများ"
လမင်းတို့ နှစ်ယောက် သီတင်းကျွတ်မှာ မိဘတွေကို ကန်တော့ဖို့ မုန့်ဖိုးလေးတွေ ကြိတ်စုထားကာ အလှကြိမ်ခြင်းလေးဖြင့် သပ်ရပ်စွာ ထည့်ထားသော ၉၆ပါး ဆေးဝါးကန်တော့ခြင်းလေး
၃ခြင်းနှင့် ရှမ်းတိုင်းရင်းသားဝတ်စုံ တစ်စုံကို တိုးတိုးတိတ်တိတ်ဝယ်ကာ သီတင်းကျွတ်လပြည့်နေ့မရောက်မချင်း
ဖွက်ထားခြင်း ဖြစ်သည်။ ဖွက်ထားရတာကလဲ ဉာဏ်ကြီးရှင် စိုင်းဟန်လျှမ်းကြောင့်ပါ။
ဟန်လျှမ်း တို့အိမ်တွင် လမင်း အမေကပါ လူကြီးအချင်းချင်း စကားလက်ဆုံကျ နေတာမို့ လူကြီးတွေကို တစ်စုတစ်စည်းတည်း
ကန်တော့ရန် လမင်း အခန်းထဲ၌ ဖွက်ထားသော ပစ္စည်းများကို လာပြေးယူခြင်း။
ဟန်လျှမ်းတို့အိမ်ရောက်တာနဲ့ အနောက်ဘေး မီးဖိုချောင်မှ ဝင်ကာ
ဟန်လျှမ်းက အရှေ့က စကားလက်ဆုံကျနေသော လူကြီးတွေအား
မီးဖိုချောင်ထဲမှ လှမ်းအော်ကာ ပြော၏။
"မား! ပါး! တီချိုနဲ့ ကိုကြီး မျက်လုံးလေးတွေ မှိတ်ထားကြနော်
မဖွင့်နဲ့ "
"ဘာလို့လဲ သားငယ် "
" သား ပြောသလို မျက်လုံးသာမှိတ်ထားကြပါ မဖွင့်နဲ့နော် လုံးဝမဖွင့်နဲ့ သားပြောမှ ဖွင့်"
"အိုက်လမင်းသာ သေချာကိုင်ပြီး အသံမမြည်အောင် မားတို့အရှေ့မှာ ချနော် "
"အင်း"
ခြေသံဖွဖွဖြင့် ဧည့်ခန်းထဲ လျှောက်သွားကာ မိဘတွေအရှေ့၌ ဆေးခြင်း တစ်ခြင်းစီ ချပေးထားကာ ကိုကြီး အရှေ့၌ ရှမ်းဝတ်စုံ ချပေးကာ နှစ်ယောက်သား ကြမ်းပြင်ပေါ်၌ ဒူးတုတ်ထိုင်ကာ လက်အုပ်လေးများ ချီထားလိုက်၏။
ESTÁS LEYENDO
ချစ်ချင်လို့ ချစ်တာ ( Complete)
Romanceခဏခဏ ရည်းစားစကားအပြောခံနေရရင် အဖြေပေးဖို့ စဉ်းစားတော့လေ အကြောင်းပြချက်ပဲ မေးနေတာ မမောဘူးလား ခင်များ ဦးနှောက်သေးသေးလေးထဲ သေချာမှတ်သွား ကျုပ်''ချစ်ချင်လို့ ချစ်တာ'' (ခန့်စေထွဋ်နောင်)
