اب معاذ: يعطيكم الصحة كلش كان بنين وجازت شابة بزاف ان شاء الله نعاودوها عندي
اب سيليا: مرحبا بيكم في اي وقت الدار داركم
سليم ومعاذ:تصبحو على خير عمي نتلاقاو في الخير ان شاء الله
(في السيارة)
اب معاذ: معاذ وليدي واش رايك في سيليا هذيك هي لي قتلك شوفها اذا عجباتك نخطبهابك
معاذ: ياك قتلك مايهمنيش انا كيما جات جات
اب معاذ: كفاه كيما جات جات راهي راح تولي مرتك هاذي
سليم: ياك علابالك كان يعشق فهذيك اوليفيا كي دارتها بيه قالك دير واش حبيت مالا ماتعييش روحك معاه
اب معاذ: انا المهم غدوة نهدر مع باباها وانشاء الله تكون من نصيبنا الطفلة ما خصها والو
معاذ:نتا مانهدرش معاك ضركا خلي كي ماتكونش مرتك معانا ساهل
.
.
.
نور: واش لالة شفتي السي معاذ عجبك
سيليا : ايه يهبل شباب طويل وهذاك الكور يهبل بصح كلب ماداهاش قاع فيا حاسب روحو مانعرف واش
نور: المهم ماما قاتلي سقسيها اذا عجبها بالاك راهم حابين يخطبوك
سيليا : يخطبوني؟؟ ونتي الكلبة هذا وين تقوليلي وانا قاعدة نهدر ونتمهبل على الطابلة دك يقولو هذي بهلولة
نور: وانا وين علابالي حتى دك كي كنت طالعة قاتلي ماما وزيد بزيادة كنتي على طبيعتك احسن
سيليا: ياااا هذاك الزين قاع يولي تاعي بصح كفاه يخطبني الغزرة ماغزرهاش فيا اصلا عادي كي نولي مرتو يشوف فيا حتى يشبع
نور: خلاص نقولها راهي قابلة عجبها ؟
سيليا :هاي باينة نبقاو نهدرو ديجا راني تفكرت وشبيك مع سليم نتي وماتقوليليش ماكان والو ليلة كاملة وهو يشوف فيك ومرتو قدامو وتهدرو بالبارد مع بعضاكم وماعلاباليش
نور:ماكان والو نتي بانتلك برك هيا اخرجي خليني نرقد
سيليا:والله ماني خارجتها حتى تحكيلي وراكي تعرفيني صامطة غير احكي ماتحشميش تخبي على ختك انا نحكيلك كلش يا كلبة
نور: ماكان والو ياك قتلك كانو يجو في الصيف هذاك الوقت كنا نحبو بعضانا مباعد مازادوش جاو مازدناش حكينا وثما خلاصت الحكاية
