معاذ: واش حابة تاكلي
نارمين: ياك هذا وين قتلك
معاذ: نسيت
نارمين: مانقولكش مالا اتفكر وحدك
معاذ: قوليلي واش تاكلي ماتعيينيش
نارمين: خلاص ناكل بيتزا.... عندها الحق هاذيك لي سمحت فيك ڨاع ماشي جانتل مان والو
معاذ ماعجبوش الحال ملامح وجهو تبدلو وسكت بقا يركز مع الطريق
نارمين : سمحلي والله ماكانش قصدي كنت غير نضحك معاك
معاذ بقا ساكت ماجاوبهاش نارمين حطت يدها على يدو معاذ غزر في يدها عاود حط مع الطريق ( مانحاش يدو واقيلا سيليا راهي في خطر 😂😂)
نارمين: واش صرا بيناتكم حكيلي ..... راح تعاود تبقا ساكت كيما في اللول ياك خلاص ولينا صحاب
معاذ: وينتا ولينا صحاب
نارمين : دك 🙂
معاذ : لالا ماخصنيش علاقات جديدة في حياتي صحيتي
نارمين : اممممم علابييييها مانحيتش يدك هاهاهاها الله يسهل المهم بالنسبة ليا رانا صحاب وخلاص
معاذ نحا يدو وطلع يدو في السما يوريلها فيها
معاذ: هاه خلاص دكا ماوليناش صحاب سكتي عليا خلاص صدعتيلي راسي
.
.
.
معاذ: كولي بالعقل ماراحش تهرب الماكلة
شافت فيه نارمين ووجهها ڨاع موسخ بمايونيز
نارمين : راني ناكل نورمال واش راني جيعانة واش
معاذ : شحال عندك ماكليتيش يرحم باباك
نارمين بقات تحسب بيديها
نارمين : 1 2 .....5 5 ايام
معاذ: من نيتك
نارمين: ايه ياك قتلك ماعنديش دراهم ههههه حوست خدمة مالقيتش
معاذ: وكفاش راح تعيشي دك كفاش راح ديري
نارمين: ندبر خدمة 🤷🏻♀️
معاذ: ماشي قلتي مالقيتش
نارمين : ايه نزيد نحوس واش حابني ندير الا اذا رح تولي كل يوم تشريلي بيتزا ماعليش هههههه مانحوسش خدمة
معاذ: راني نحكي سيريو كفاش رح ديري
نارمين: وين علابالي انا خليني ناكل آلاز صحا
معاذ: كولي كولي
.
.
.
معاذ: وين جاية داركم
نارمين : علاش تحوس ،جاي تخطب؟
معاذ: ايه جاي نخطب 😑 خلاصو النساء جاي نخطبك نتي
نارمين : ااااا خسارة عليك هكا تقولي ، علاش واش خصني انا خموس عليا اي واحد يتمناني
معاذ : قوليلي وين نحطك خليني نروح للدار راني عيان
نارمين : افففف شحال سامط خلاص حطني في البلاصة لي تلاقيتك فيها عند البحر
معاذ: واش ديري ثما
نارمين : واش دخلك نقابل البحر ونقعد 🙂
معاذ: اومباعد تروحي تمشي ؟
نارمين: وين نروح ماعندي وين نروح نقعد هناك
معاذ:كفاش تقعدي هناك تباتي هناك ! ماتروحيش لداركم ؟
نارمين: ماعنديش دارنا
معاذ: كفاش ماعندكمش داركم علاش وين كنتي عايشة
نارمين : ونتا تبانلك نقدر نزيد نعيش في هذيك الدار بعد لي صرا ڨاع ،خلاص مانزيدش ندخلها هذيك الدار
معاذ: دبري راسك
راح معاذ لهذيك البلاصة حطها هناك وعطاها شوية دراهم قالها ديپاني روحها بيهم مابيد تلقا خدمة ماحبتش تشدهم قالها نوصلك لفندق ولا ماحبتش ،قالها معاذ دبري راسك وجا رايح عيطتلو نارمين
نارمين: ماعطيتنيش كونتاكت تاعك كفاش نقدر نتواصل معاك ؟ اعطيني رقمك على الاقل
معاذ: ماعندك ماديري بيه
نارمين: وكي نتوحشك كفاش ندير
معاذ ماجوبهاش وراح ،نارمين ضحكت مع روحها وراحت قعدت قابلت البحر وبقات تحسب في راسها 8.9.10.....1.2.3 جا بنادم قعد قدامها شافت فيه
نارمين: ماشي كنت عيان وحاب تروح للدار ههههه
معاذ: (ماكنش يشوف فيها كان يشوف في البحر) حابة يغتصبوك مرة وحدخرا؟
نارمين :😂😂علاه يغتصبوني
معاذ: مهبولة علاخاطر، معولة تباتي برا واقيلا حسبالك راكي في فيلم ،والله يطيح عليك الليل تشوفي واش يصرالك
نارمين: وكي جيت نتا واش رح يتبدل 😂😂 رح تديني لداركم نبات ؟
معاذ: لالا ماتتحمسيش نقعد هنا معاك
نارمين: واش تقعد دير ههههه
معاذ: نحميك على الاقل
نارمين : اااا كنت غالطة فيك صدقت جانتل مان 😂😂
معاذ بقا ساكت ويشوف مع البحر ونارمين كيفكيف قعدو هكاك ولا كلمة حتى غراب الحال شافت نارمين في معاذ
