سليم: قالولي شعلتي في معاذ الصباح نور: راهو عافس في طاجين سخون هذاك يجي نهارو راهو حاسب ختي لعبة، غاضك واقيل سليم: هههه لالا ماغاضني ماوالو بالعكس حتى انا زدت هدرت معاه نجي مع الحق ومع حنونتي انا نور: ههههه هكا نحبك سليم: نموت عليك انا....نور راني متوحشك نور: ياك كل يوم راني معاك علاه تتوحشني سليم: لالا توحشتك توحشت علابالك واش نور : ماعندناش سمانة ملي درناها ديجا توحشت سليم: تحرشي بيا سمانة يا ربك بزااااف ديجا انا ومانيش مأمن روحي كفاش صبرت ڨاع هكا نور: ايه زيد اصبر شوية سليم: من نيتك علاه نصبر ياك رزقي نتي لالا ،مانصبرش راني حاب دك في الحين نور: روح خليني نخدم والله راني مشغولة حبي سليم: ماتوحشتينيش نتي ؟ نور : لالا ماتوحشتكش هههه روح خليني نخدم على روحي سليم: يتسما مافيهاش نور: مافيهاش سليم: صحا ماعليش راني رايح بصح والله طيحي في يدي نعذبك وشفاي عليها مليح هذي تع ماتوحشتكش نور: امممم . . . اب سيليا: فؤاد خويا المدام راهي عارضتكم للعشاء اليوم نتا والذراري اب معاذ: بصح محمد خويا نتا راك عارضني من قبل بالحق انا لي نعرضك حشومة عليا اب سيليا: يحي علابالي نتا راك وحداني وحتى مرت وليدك راهي اجنبية وماتعرفش هاذ الصوالح لا حشومة لا والو وزيد راكم وليتو جزء من عايلتنا ،مابيناتناش رانا نسناو فيكم العشية . . . معاذ قاعد في بيروه يتفكر في سيليا كفاش كانت مع حسام الغيرة قتلاتو صح هو مايحبهاش بصح تبقا تاعو وهو مايحب حتى واحد يدنا لصوالحو حب يروح ليها مايخليهاش وحدها مع حسام سيرتو كي عرف بلي حسام يحبها، وهو قاعد يخمم لحقو ميساج من عند باباه يخبرو على العشاء تع اليوم ،ابتسم جاتو الفرصة سيليا كانت مع الشوبينغ حتى صونا تيليفون سيليا: وي معاذ: وين راكي سيليا: خرجت نشري حوايج علاش؟ معاذ: معامن راكي سيليا: مع حسام معاذ: علاش ماقلتيليش قبل ماتروحي سيليا: كي نعيطلك نقولك وين راني رايحة ترميني في الثقيل وكي مانعيطلكش تقولي علاش؟ معاذ: لالا تقوليلي سيليا: ايه المرة الجاية انشاء الله، كشما سحقيت؟ معاذ: هكا تهدري معايا؟ وشبيك؟ سيليا: مابيا والو علاش كفاش راني نهدر معاذ: قوليلي قوليلي وين راكي سيليا: قتلك خرجت لشوبينغ معاذ: ايه وييييين شوبينغ هذا سيليا: علاش راك تسقسي معاذ: سيليا ماتقلقينيش، وين قتلك سيليا: كوبي دك نبعثلك وين لحقو الموقع وكان قريب من الشركة رفد فيستاتو وخرج السكرتيرة: ميسيو معاذ راك خارج دك ؟ عندك اجتماع بعد 10 دقايق .. ميسيو معااااذ معاذ: اجليه غدوة عندي شغل خرج ركب وقلع باقصى سرعة . . . حسام: وشبيك مع معاذ علاش هدرتي معاه هكذاك سيليا: خليني منو راني كارهاتو حسام: الحمد لله فهمتي بلي مايستهلكش ،وواش معولة تكملي معاه ولا تحبسي ؟ سيليا: خلينا منو جيت نبدل جو ماجيتش نحكي على معاذ شوف هاذ لاغوب شحال شابة اصبر ندخل نقيسها وقولي رايك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حسام شافها عينيه خرجو وغرائزو الذكورية بانت مسكين لي قلنا وقفلو 😂 سيليا: حسام...حسااام حسام: اه وي وشنو سيليا: كفاش وشنو شابة؟ حسام: تهبل اصلا نتي كلش يجيك شباب سيليا: هههه مرسي مالا نشريها ياااه شوف مام هذا شباب بزاف استنا نزيد نقيسو معاذ وصل للمركز التجاري وقاعد يحوس على سيليا من حانوت لحانوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سيليا: هااا واش رايك حسام ماقدرش يزيد يشد روحو وقدم ليها حكمها من خصرها جبدها ليه وباسها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
في هذيك اللحظة جا معاذ وشافهم راح يجري بعدو عليها وضربو بدبزة طيحو في الارض وبدا يضرب فيه للوجه حتى دمو سال وسيليا غير تبكي وتبعد فيه عليه وتقولو اطلقوووو دك تقتلو معاذ خليه وهو في عالم وحداخر القلقة خلاتو مايشوفش قدامو حتى جا الامن سلكو من يدو قريب قتلو حكم سيليا من يدها وجرها هكاك بحوايج الناس هههه وحوايجها وصوالحها كلش بقا في هذاك الحانوت ومعاهم حسام مرمي في الارض بصح الخدامين ماقالو والو خاطرهم يعرفو سيليا ويعرفو باباها دك يلمو كلش يبعثوه لدارهم المهم قلنا معاذ جر سيليا من يدها حتى وصلو للطونوبيل وهي تعيط باش يطلقها وتروح تشوف حسام كانت خايفة عليه بزاف معاذ: اركبي سيليا: مانركبش اطلقني قتلك معاذ: سيلياااااا اركبي قتلك راني مقلق ماتزيدييييلييييش اركبيييي سيليا: زادت طرطقت بالبكا خافت منو بزاف وركبت
