ناض سليم الصباح وشاف كاترينا مرمية قدامو كي الجثة الهامدة مافهم والو واش صرا ماكانش في عقلو ماشفاش واش دار سليم: كاترينا ..كاترينا نوضي رفدها وراح يجري بيها للسبيطار . . . سليم: دكتور غير الخير طمني الطبيب: ماتتقلقش موسيو المدام راهي مليحة ماكان حتى خطر على حياتها برك الرحم تاعها راهو متضرر كان عندها نزيف داخلي حبسناه و رانا درنالها سيروم خليها تبات هنا اليوم باش نتأكدو ماكاين حتى مشكل او مضاعفات وغدوة تقدر تخرجها سليم: نقدر نشوفها؟ الطبيب: تفضل برك راهي تعبانة شوية ماطولش عندها ، وحاجة وحداخرا ياريت ماتمارسش معاها الجنس لفترة حتى يبرا الرحم وياريت تبعد على العنف في الممارسة ،بشفا عليها 📱📱🎶🎶 نور راهي تعيطلو ،ليل كامل وهي تعيطلو بصح هو ماسمعوش ،راهو حاكم التيليفون ويشوف فيه ،يدخل عند كاترينا ولا يروح عند نور سليم: واش كاين واش تسحقي؟ نور: كفاش واش نسحق نسحقك نتا سليم: قلتيلي اخطيني لالا؟ راني خاطيك خلاص نتي في طريق وانا في طريق نور: سليم لالا ماتقولش هكذا كفاش خلاص ؟! ڨاع واش جوزنا كيفكيف تبخر؟ سليم: نتي لي حبيتي هكذا لكان خممتي قبل ماتهدري خلاص انساي واحد اسمو سليم كوپا عليها ودخل عند كاترينا طلب منها السماح وهي مازالها فاقدة وعيها جا يحكمها من يدها ماقدرش هو قاعد معاها ويخمم في نور الدمعة طاحتلو قاعد يتفكر في لحظاتو معاها هو يحبها بزاف ومايقدرش يعيش بلا بيها بصح كبرياءو مايسمحلوش يولي ليها جرحاتو بزاف بهدرتها . . . في نفس الوقت نور قاعدة في الارض وتبكي من الليل وهي تبكي دموعها نشفو وزاد بعدما خلاها وفي التيليفون مامپا ماجاش قابلها وهدر معاها كفاش راح دير ضركا بلا سليم كفاش راح دير بلا الراجل لي عاشت حياتها كلها تستنا فيه وتعشق فيه كفاش راح دير بلا الراجل لي سلماتو حياتها وشرفها وكلش واش عندها في هاذ الدنيا حست قلبها تفتت حست الدنيا ظلامت عليها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
. . .
سيليا البارح رقدت وهي ماعندها حتى خبر على معاذ غير ناضت الصباح عيطتلو وتيليفونو مغلوق سيليا بدات تخاف على الرغم من انو قالها بلي راح يكون مشغول ومايبانش بصح راهو طول على الاقل يرفد تيليفون يطمنها زادت اليوم راحت تجهز وحدها مالڨري ماراهيش ڨاع في ڨوصطوها بصح الله غالب ماعندهاش الوقت وعرسها قريب . . . لحق الليل و سليم مع كاترينا في الصبيطار ونور ماخرجتش من دارها نهار كامل تبكي في لحظة ناضت دوشت ضربت حطة ستيكات روحها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبست مونتوها وخرجت راحت لديسكو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شربت وشطحت خرجت ڨاع الطاقة السلبية وبالطبع الرجال دايرين بيها يتغزلو بيها وهي تضحك معاهم وعاجبها الحال اصلا ماكانتش في وعيها شافها واحد تعرفو من زمان كان يقرا معاها راح يهدر معاها لقاها في حالة يرثا لها ولات واقفة على رجليها بسيف حب يعاونها قالها ارواحي نوصلك لداركم وهي في عالم وحداخر وهو مايعرفهاش وين تسكن جبد تيليفونها باش يعيط لواحد من معارفها يجي يديها خرجلو رقم سليم هو الاول عيطلو مرة زوج حتى الثالثة باش جاوب سليم: واش كاين واش تحوسي ...: سلام خويا سليم: شكون نتا واش راهو يدير تيليفون تاع نور عندك ...: مادموزال نور راهي هنا في ديسكو وراهي في حالة باش نعيط لواحد يجي يديها خرجلي رقمك هو الاول
