سليم: خلاص مانروحش
سليم ناض جا رايح للدوش
نور: واش راح دير
سليم: ندوش
نور: علاش
سليم: كفاش علاش باش نروح للخدمة
نور : ماعندكش حوايج
سليم: نورمال نلبس حوايجي لي جيت بيهم
نور: كي تكمل جي هنا؟
سليم: ماعلاباليش
نور: نسناك
سليم: تسنايني؟؟ واش واقيلا حلاتلك القعدة في الدار ،نروحو كيفكيف
نور: مانيش حابة
سليم: اوك مالا مانجيش العشية
نور: علااااش
سليم: اذا جي نتي نجي اذا ماجيش مانجيش
نور: خلاص راني جاية
غمزلها سليم ودخل للدوش وخرج لقاها مازال في الفراش
سليم: مازال مانضتيش؟!
نور: امممم مازال ارواح ارفدني
سليم: نزيد ندوشلك ثاني واقيلا
نور: امم مانقولش لالا
سليم: ندوش لبنتي انا شابة تاعي
رفدها داها دوشلها وجابها حطها في الفراش وجابلها حوايجها لبسهملها وهي غير تشوف فيه وتتبسم فرحانة
سليم: نور
نور:....
سليم: قررت نطلقها
نور: اه
سليم: كيما سمعتي
نور: شكون
سليم: كاترينا كفاه شكون
نور: مافهمتش
سليم: واش مافهمتيش الهدرة لي هدرتيها و شي لي صرا بيناتنا خممت وقررت نطلقها ونتزوجو
نور: سليم راك في عقلك؟! وباباك واش تقولو والشركة كفاش ماشي راك متزوج بيها زواج مصلحة
سليم: مايهمنيش خلاص مانسمح لحتى حاجة تتحكملي في حياتي
نور بقات ساكتة وتشوف في سليم ودموعها نزلو
سليم: نور وشبيك علاش راكي تبكي (مسحلها دموعها) كاشما قلت حاجة غالطة؟ زعفتي؟
نور: يا المهبول كفاش نزعف بالعكس راني ميتة بالفرحة بصح كفاش راح دير معاها ومع باباك
سليم: والله ماعلابالي بصح نفريها ماتخميش اعطيني شوية وقت برك
نور: في غرضك حبيبي راني هنا انا ماراحش نهرب هههه
.
.
.
سيليا ناضت لقات معاذ مزالو راقد في جنبها بقات تشوف معاه راقد كي الملاك تقول ڨاع ماشي هو معاذ تع البارح لي خافت منو ماقدرتش تقاومو وبدات تطبع قبلات على كامل وجهو وجات نايضة ،حكمها معاذ من يدها وجبدها لحضنو
معاذ: اقعدي معايا ماتروحيش
سيليا بقات ساكتة وعنقاتو وقعدت في حضنو
معاذ: ماتسمحيش فيا سيليا ياك؟ ماتروحيش وتخليني
سيليا: واش هاذي الهدرة كفاش نروح ونخليك انا ماصدقت حبيتني وليت ملكي نروح ونخليك مهبولة!
معاذ: يصرا واش يصرا؟
سيليا: معاذ ماتخوفنيش واش كاين
معاذ: لا ماكاين والو راني نسقسي برك
سيليا ناضت من بلاصتها وشافت فيه حطت يدها على خدو بحنان
سيليا: قولي واش كاين حبيبي علابالي كاين حاجة
معاذ قعد ساكت ومتردد
سيليا: يصرا واش يصرا مانسمحش فيك ماتخافش قولي
معاذ عاود جبدها عندو وعنقها بزوج يدين
معاذ: علابالي ماعنديش الحق نخبي عليك هذا الشي وعلابالي عندك الحق ترفضيني بعد ماتعرف هذي الحقيقة عليا بصح انا مستحيل نقدر نعيش بلا بيك لوكان تروح نتي خلاص حياتي تحبس مانيش متخيل حياتي بلا بيك بصح في نفس الوقت حبيتك كثر من روحي حبيتك لدرجة مانقدرش نكون اناني و نخبي عليك حاجة كيما هاذي
سيليا: معاذ خوفتني واش كاين واش من حقيقة
معاذ: تقبلي تتزوجي بوحش؟
سيليا عاودت ناضت من بلاصتها
سيليا: وحش؟ كفاش وحش ؟ نتا وحش؟!
معاذ: ايه انا ، انا كي قتلك رفضت فكرة الحب والارتباط بعد اوليفيا ماشي علاخاطرني ضعيف لدرجة طفلة تقدر دمرني لهذيك الدرجة انا صح حبيتها وڨع بصح الحاجة لي خلاتني نقرر نكمل حياتي وحيد هي مرض نعاني منو مرض خلاني نكون صح وحش بمعنى الكلمة انا صح تعالجت بصح ماكنتش داير ثقة في نفسي وكي عرفتك قررت نعطي لروحي فرصة بصح البارح اكتشفت بلي مازال هذاك الوحش داخلي مازال ماراحش
سيليا: واش من مرض واش من وحش ماني فاهمت والو
معاذ: انفصام شخصية في الفراش
سيليا: كفاش زعما
معاذ: في الحياة اليومية نكون نورمال بصح في الفراش يولي عندي انفصام شخصية نفقد السيطرة على روحي نولي عنيف ونقدر حتى نأذيك بلا مانفيق
سيليا: واوليفيا واش دخلها
معاذ: كنت معاها في علاقة حب دامت سنين كنت نحبها بزاف بصح جامي قربت ليها ولا حاولت نمارس معاها حتى جات هذيك الليلة السوداء ، رحت معاها لدارهم كانت وحدها في الدار وطبعا ماقدرناش نقاومو بعض ورقدنا مع بعض انا ماكنتش عارف واش صرا فقدت السيطرة على روحي ومارانيش شافي واش صرا بصح كي فقت لقيتها كامل دم وكدمات هي ماسمعتنيش مامبا راحت ديراكت شكات بيا وعلابالي هذا الشي من حقها بصح على الاقل لكان سمعتني كي شكات بيا اثناء التحقيق عرفو بلي مرض نفسي خلاني ندير هذاك الشي وقررت المحكمة انو نروح لمصحة نفسية نتعالج ،هذاك النهار كانت صدمة حياتي كنت في حالة يرث لها بصح مانسيتش اوليفيا طلبت نشوفها قبل مايدوني حبيت نقلها تسامحني ورح نتعالج ونرجعلها بصح هي قاتلي مانسحقكش في حياتي تخلات عليا مالڨري انا ماعندي حتى ذنب حتى حاجة ماكانت بارادتي ،عقلي تفهمها وعطاها الحق بصح قلبي عمرو لا سامحها ومن هذاك النهار قررت مانزيد نتعلق بحتى وحدة ، قررت مانتعلق بحتى وحدة وتعلقت بيك الله غالب فوق طاقتي ، وضركا راكي عرفتي حكايتي ، ماعليش ماجاوبينيش دك خلي حتى تخمي مليح ورديلي خبر ، انا صح تعالجت بصح من واش صرا البارح عرفت بلي ماتعالجتش تمام ،راني نقدر نتحكم في روحي ماشي كيما كنت بصح مانقدرش نضمن هذا الشي ، سامحيني حطيتك في موقف كيما هذا
ناض معاذ خرج وخلا سيليا قاعدة ساكتة كلمة ماقالتهاش خلاها تخمم في القرار لي رح يحدد مصير علاقتهم
.
.
.
البنات توحشتكم مالڨري ڨاع ماتحبوش تتفعلو ههههه اتفاعلو شوية خلوني نتحمس نزيد نطولها ولا حابين نكملها ؟ مانطولش و نديرلكم حلقة اخيرة ؟ قولولي واش حبين واذا حابين نطولها قولولي الاحداث لي حابينها تكون ناخذ اراؤكم بعين الاعتبار
بالنسبة للتنزيل رح يكون كل يوم خميس
باااي
