في الصباح
📞📞🎶🎶
سيليا:الو 😴
معاذ: راني جاي نوضي وجدي روحك
سيليا: اوك بب
معاذ: ماطوليش باش مانديروش روطار
سيليا: ايييه اوك
.
.
.
ام سيليا: سيليا حسام راه يحوس عليك
سيليا:حساااام؟!!! وين ؟
ام سيليا: اهبطي تشوفي وين
.
.
حسام: سيليا وشراكي
سيليا: لباس واش جابك
حسام: واش جابني! نسيتي بلي كنا صحاب ؟ كفاش واش جابني ،جيت نشوفك نسقسي عليك
سيليا: ايه علابالي بصح لكان عيطتلي غير في التيليفون
حسام: علاش نتي جاوبي كي نعيطلك ؟
سيليا: اييييييه علابالك معاذ مايحبش ، هاك شفتني راني مليحة روح دوكا
حسام: سيليا واشبيك نسيتي ڨاع العشرة لي بيناتنا ،راكي تحاوزي فيا؟
سيليا: مانسيييتش مانسيتش ،بصح معاذ راه جاي لوكان يشوفك هنا يدير حالة
حسام: معاذ معاذ معاذ ، انا حياتي كاملة معاك كبرنا كيفكيف جا هو من التالي مسحتيني من حياتك علاجالو
سيليا: هو مايحب حتى طفل يدور بيا الله غالب واش حابني ندير
حسام: هو ماكاين حتى طفلة دور بيه ؟
سيليا: bien sur كيما انا مانحب حتى طفلة في حياتو هو كيفكيف لازمني نحترم الرغبة تاعو
حسام: سيليا انا ماشي شيء ترفديه ترميه من حياتك
سيليا: علابالييييي وعلابالك شحال نحبك ونعزك بصح ماعندي ماندير
حسام: كفاش ماعندك ما....🎶🎶
سيليا: ششششت معاذ راه يعيط.... وي حبيبي
معاذ: 2 دقايق نكون عندك
سيليا: اوك.....حسام معاذ راهو وصل روح قبل مايشوفك
حسام: مانروحش حتى نكمل هدرتي
سيليا: بليييز روح دك يجي يدير حالة بليييز
حسام: بشرط
سيليا: قابلة قابلة روح برك
حسام: نتلاقاو ونكملو هدرتنا
سيليا: اوك اوك خلاص روح
حسام: اليوم في الليل
سيليا: ابيييه خلاص باي
غير خرج حسام ثواني ووصل معاذ
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
معاذ: وااااو توحشتيني ڨاع هكا ، واقفة عند الباب تستنايني
سيليا: اههه ايييه توحشتك ههههه (وعنقاتو)
معاذ: وشبيك
سيليا: انا؟ والوووو دك نجيب صاكي ونجي دقيقة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.
.
.
سيليا: عندنا الوقت نفطرو؟ راني جيعانة
معاذ: حتى لوكان ماعندناش مانخليش عمري جيعانة ههههه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(خيرت الحوايج على حساب الصورة باش يبانو صح هوما يفطرو يادرا التفاصيل 😂😂)
.
.
.
في نفس الصباح في دار سليم
كاترينا: عندك بزاف مافطرتش معايا توحشت ناكل معاك
سليم: ايه عمدي هدرة نقولهالك علابيها قعدت نفطر معاك اليوم
كاترينا: واشنو هيا واش كاين
سليم: نتي امراة ؟ عندك كبرياء؟ عندك كرامة؟
كاترينا: كفاش؟
سليم: ماراكي تشوفي والو ؟ ماراكي تحسي والو ؟
كاترينا: علاش راك تهدر هكا سليم
سليم: كفاش علاش راني نهدر هكا؟ تحرشي بيا ماراكيش تشوفي بلي مارانيش حاملك ؟ ماراكيش تحسي حاجة ماشي سواسوا! راكي نورمال !! مافهمتش غبية لهاذي الدرجة
كاترينا:احترم نفسك مانيش غبية ، واذا راك على لالة نور علابالي بكلش مانيش حمارة
سليم: يتسما علابالك ، وواش راكي تستناي؟
كاترينا: واش نستنا ؟ واش حابني ندير
سليم:تطلبي الطلاق مثلا
كاترينا: واقيلا نسيت علاش تزوجنا انا وياك
سليم: لالا مانسيتش ، المصالح هذوك يقعدو حتى لوكان نطلقو خلاص سنين و هوما يخدمو كيفكيف
كاترينا: اهدر من الاخر واش تحوس
سليم: من الاخر نحوس نطلق
كاترينا: ايه اومباعد؟ تتزوج بنور؟
سليم: طبعا نتزوج بيها ونكمل حياتي مع المراة لي نحبها
كاترينا: وانا؟
سليم: نتي الله يسهل عليك مازالك صغيرة روحي عاودي حياتك من جيهة وحدخرا
كاترينا: انا اصلا كرهت الحياة معاك راني عايشة وحدي نتا كشغل ماكاش راني عايشة مع شبح سليم ماشي مع سليم وزيد عايشة في بلاد مانعرف حتى واحد فيها حتى اللغة تاعهم ومانفهمهاش ،ڨاع هاذا الشي وراني صابرة، خلاص ماراكش حاملني؟ اوك خلاص دك نرجع لبلادي الحمدلله عندي عايلة مانيش مقطوعة من شجرة
سليم: ايواه شفتي كي تعرفي صوالحك روحي لبلادك كملي حياتك
كاترينا : ايه نروح بصح الطلاق غير انساه
سليم: كفاش
كاترينا: مانطلقش ،حبيت تعاود الزواج عاودو بصح نبقا دايمن انا هي الزوجة الاولى
سليم: واش معنتها هاذي
كاترينا : افهمها كيما تحب
سليم: وليتي طامعة في الدراهم دكا
كاترينا: الدراهم ؟ ههههه نسيت روحك نتا شكون وانا شكون واقيلا ، علابالك مليح بلي انا نقدر نشريك نتا بدراهمك وڨاع واش راك كاسب ، نسيت واقيلا شكون خرجك من الغرقة كي كنت 0 دينار ،اذا نسيت نفكرك ،ههههه قالك طامعة في الدراهم
سليم: اييييه بنتي على حقيقتك دكا تعلمتي تهدري
كاترينا: من بكري نعرف نهدر ماكنتش حابة نخسرك برك حملت كلش علاجالك بصح كي لحقت تحوس على الطلاق خلاص فاض الكاس
سليم: طلقي بسيف عليك
كاترينا: والله مانطلق ولي قدرت عليها ديرها ، وراك عارف مليح انا شكون وبنت شكون
سليم خبط الطابلة وجا نايض
كاترينا: مازال ماكملتش هدرتي
سليم:....
كاترينا: غدوة الصباح راني رايحة ،قتلك دكا علابالي ماراحش تبات في الدار اليوم سمعتك تهدر مع لالة نور في الليل ، دير واش حبيت الله يسهل عليك مانزيدش نحوس عليك بغيت تتزوج اتزوج بلاك برك دخلها لهاذي الدار ،هاذي داري انا هي دبر راسك وين ديرها ، ونقولك حاجة اخيرة يجي نهار تندم على واش راك دير تندم بزااااف
.
.
.
هذا فصل اليوم
واش رايكم في عودة حسام ، زيدو قولولي نحيه مانحبوهش كيما نارمين 😂😂😂
كاترينا راهي رايحة 🥺 صح بانت قوية قدام سليم ماسمحتلوش يزيد يذلها اكثر بصح هي في الحقيقة قلبها وجعها بزاف واتخذت قرار الذهاب علاجال وليدها علابالها ماراحش تقدر تخبي حكاية حملها علاذيك قررت تولدو في ايطاليا وتربيه هناك مع عايلتها سليم حتى لو تقبل الطفل ماراحش يعيشو الابوة لي يحتاجها مادام نور في حياتو سمحت في كلش علاجال وليدها
