سيليا:لالا شفتهم اقعدي هكذا نتيا هاربة منو فرص صغار كيما هذو هما لي يبينولك اذا يحبك ولا لالا ديجا شوفي مرتو تمشي وحدها هو وحدو على الاقل يشدها من يدها
نور:خلاص مايهمش نتلاقاو في الخير انشاء الله سيليا ارواحي نروحو
نور شدت سيليا وجبدتها باش يروحو حتى حكمها سليم من يدها وجبدها ليه وشم ريحتها لي خلاتو يذوب في بلاصتو ريحة حبيبتو لي هذو سنين بعيد عليها صح هذاك الوقت كانو صغاروكان حب مراهقة ولا بالاك حب طفولة كانو مزال يقراو في المتوسط بصح نور كانت حبو الاول والاخير
سليم: وين راكم رايحين راهو وقت الفطور واش رايكم نفطرو كيفكيف اليوم مادامنا تلاقينا
(قبل ما تقول نور اي كلمة )
سيليا:ايه فكرة شابة حتى انا راني ميتة بالجوع سليم سامحني بصح مرتك من مقبيل ماهدرتش حتى كلمة بالاك ماراهوش عاجبها الحال ولا
سليم:هههه يحي عليك هذي جاية بعقلية لهيه ماعندها حاجة برك كي ماتفهمش العربية تسكت تتبسم برك
سيليا:امممم ماعليش هيا مالا نروحو نفطرو
وهما يمشو رايحين يفطرو سليم ومرتو سابقين وسيليا ونور موراهم جاز عليهم واحد ورما هدرة لنور
🧑:اوووه واش السلعة احححح ماتعطيلناش نيكو الزين
سمعو سليم دخل فيه ديراكت بدبزة طيحو في الارض وقعد يضرب فيه كي المهبول والناس قاع دارو بيهم ويجبدو فيه عليه وهو خلاص ماولاش يشوف قدامو قريب قتلو كاترينا قاعدة تبكي ونور وسيليا مخلوعين فيه يعني صح مادامو راجل معاهم يدافع عليها بصح ماشي لهذيك الدرجة السيد هبل عليه
كي خلاص سلكوهم سليم طلقو خلاه قاع دمومات فات في كاترينا لي كانت تبكي وراح عند نور عنقها
سليم:نور راكي ياك لباس مابيك والو ياك ماتوشاكش ولا نور راني نحكي معاك نور
