(في مكتب معاذ)
سليم:واش العريس راك جايبها شوية
معاذ:في واش
سليم: مع سيليا كفاش في واش ااااه خت نور هذيك مانحبش عليها
معاذ: خت نور ؟ واش دخل نور في الوسط
سليم: اااه راح تولي سليفي خو
معاذ:كفاش سليفك مافهمتش
سليم : حب يقول مرتك خت مرتي
معاذ: هههه الله يهديك واش دخل نور واش من سليفك ماني فاهم والو
سليم: تشفا كي سقسيتني واش بينك وبين نور قتلك ماكان والو
معاذ: ايه وبومبة والترمة وماعلاباليش واش كنت تخرط
سليم: ايه كذبت عليك هي في الصح انا ونور كنا نحبو بعضانا كي كنا صغار ودك راني وليت معاها
معاذ: راك مزوج اذا نسيت نفكرك
سليم : نتا علابالك بلي كاترينا مانحبهاش
معاذ: ونور رح تقبل بهاذ الشي
سليم:يحي قبلت وراح لي راح راني نقلك رانا كيفكيف
معاذ: سليم راك تلعب بالنار علابالك كاترينا ماراحش تقبل وتسكت
سليم: ياخو مايهمنيش فيها لي راهي قادرة عليها ديرها انا صبرت صبرت بزاف دك نشوف حياتي مع لي نحبها
معاذ: دبر راسك انا خاطيني راكم كبار وتعرفو صلاحكم
سليم: ونتا كفاه مع سيليا ماجاوبتنيش
معاذ: واش حبيت يكون راني صابر عليها وخلاص يا ربك تهدر بزاف تزغد بزاف تضحك بزاف تقولها عايشة في عالم وردي مافهمتش انا هذيك الطفلة كفاش مخدومة ماتعياش بصح جاية نية وحنينة
سليم:نية وحنينة امممم عجباتك مالا
معاذ: ياودي واش تعجبني انا قتلك ماعلاباليش بيها لا هي لا غيرها وعلابالك بلي قبلت بيها علاجال بابا برك
سليم:اسمع انا نقلك حاجة ماشي قاع البنات كيما اوليفيا والحياة ماتحبسش عندها مازالك صغير والحياة طويلة قدامك انا نعرفك ماتحكيش وتخبي في قلبك بصح الجرح لي تفتحو مرا تغلقو مرا انا خوك الكبير اسمع مني مد لسيليا فرصة وماراحش تندم وبنات كيما هي قلال صدقني
"طق طق طق"
معاذ: تفضل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
