البوسة تاعو كانت عنيفة حتى سيليا انقطعلها النفس بسيف لا قدرت تبعد عليه وشفايفها نجرحو معاذ كان يشوف في سيليا بطريقة غريبة حتى هي خافت منو باستو من خدو وقاتلو يروحو يكملو الفيلم باش ترطب شوية الجو وتهرب منو هو قعد ثواني واقف في بلاصتو ويشوف فيها وكان يزير على قبضة يدو كانو يمنع في روحو باش مايديرش حاجة يندم عليها لبس سروالو برك وجا خارج
سيليا: معاذ وين راك رايح
معاذ:...
سيليا: معااااذ استنا نجي معاك
معاذ: ماتبعينيش
سيليا: لالا نجي
معاذ : ماتبعينييييش قتلك
عيط عليها خافت بقات مسمرة في بلاصتها
.
.
.
جازت ساعة ومعاذ مازال مارجعش سيليا ساعة كاملة وهي تخمم وشبيه في لحظة ولا بنادم وحداخر وهذيك النظرة لي كانت في عينيه ، خافت عليه وزيد راهو البرد برا وهو ماراهوش لابس راحت لبست فيستتها ودات معاها شال وخرجت تحوس عليه غير خرجت من الباب شافتو قاعد مقابل البحر راحت عندو حطتلو الشال على كتافو وقعدت قدامو ماقال والو بقاو ساكتين سيليا قابلاتو وحطت يديها على خدودو
سيليا: وشبيه الزين تاعي وشبيه الحبيب تاعي
معاذ بقا يشوف فيها مباعد حط يدو على شفتها
معاذ: وجعتك؟ سمحيلي ماشي قصدي نوجعك
سيليا: لالا بب ماوجعتنيش ڨاع بصح قولي وشبيك علاش راك زعفان كشما درت حاجة زعفتك؟
معاذ: لالا عمري مانيش زعفان هيا نروحو نرقدو راح الحال
سيليا ماحبتش تانسيستي عليه شداتو من يدو ودخلو معاذ دوش و سيليا دوشت موراه كي خرجت لقاتو راقد باستو ورقدت في حضنو ماعلابالهاش واش صرالو اليوم ضربة وحدة وكي تتفكر كفاش كان يشوف فيها تخاف منو ما انسيستاتش عليه يقولها واش بيها علابالها راح يقولها حاجة ماشي حابة تسمعها
.
.
.
نور وسليم رقدو كيفكيف ناضت نور الصباح لقات روحها في حضن سليم ماتت بالسعادة بدات تبوس فيه باش ينوض
سليم: اممم شحال راهي الساعة
نور: الناس يقولو صباح الخير حبي
سليم: صباح الخير حبي
نور: ويبوسوهم ثاني
سليم ضحك ودار فوقها( هي كانت فوقو ولا هو فوقها) وبدا يبوس فيها بزاف بوسات في ڨاع وجهها ونور تضحك مباعد هبط لرقبتها بدا يبوس فيها حتى صونا تيليفونو
نور: شكون
سليم : ششششت ...الو
🇮🇹🇮🇹🇮🇹
كاترينا: وينراك حبيبي نضت مالقيتكش
سليم: عندي شغالات خرجت بكري
كاترينا: وينتا جي
سليم: كي نكمل نجي
كاترينا: ماتقدرش جي دك؟
سليم: لالا
كاترينا: مانيش حاسة روحي مليحة
سليم: علاش وشبيك
كاترينا: ماعلاباليش كرشي راهي توجع وني حاسة بالدوخة
سليم: خلاص خلاص راني جاي
.
.
.
نور: ماتروحش
سليم: راهي مريضة لازمني نروح نشوفها
نور: ماتروحش
سليم: يا عمري نروح برك نشوف واشبيها بلاك نديها للطبيب ولا ونجي
نور: ماتروحش
سليم: مانطولش حبيبي
نور حوطت يديها على رقبتو
نور: ماتروحش ،راهي وحدها في الدار ؟
سليم: لالا
نور: خلاص ماراحش تموت مالا ،ماتروحش
وباستو من فمو
