معاذ دا سيليا لدارهم
سيليا: راك تتمسخر بيا ؟ تقولي مفاجأة والدنيا مباعد جيبني للدار؟
معاذ: اقعدي هنا دك نجي
دخل معاذ للدار يمات سيليا فتحتلو الباب
ام سيليا: معاذ وليدي جابك ربي سيليا مكاشها في الدار وكي عيطتلها لقيتها خلات تيليفونها في الدار وباباها كيف كيف نعيطلو مايجاوبش راني قريب نهبل
معاذ: ماتخافيش خالتي سيليا راهي معايا والليلة هاذي راح تفوتها معايا انا اصلا جيت باش نخبركم
ام سيليا: كفاش مافهمتش كفاش تبات معاك ؟ علاش؟
معاذ: ياك عيد ميلادها بقالو يومين ايا انا حبيت نديرلها مفاجأة
ام سيليا: واش تحبني نقولك راهي مرتك عند ربي وعبادو بالاك عليها برك راهي امانة في رقبتك
معاذ: بلا ما توصي خالتي، برك حبيت نجيب شوية حوايج لي تحتاجهم من بيتها اذا ماعليش
ام سيليا: ماعليه راك تعرف شومبرتها
راح معاذ جاب شوية حوايج ماكياج روايح راكم تعرفو حاجات تحتاجهم الطفلة وجابلها تيليفونها لي نساتو ثاني وخرج
سيليا: واش جبت معاك وين رانا رايحين وماما قلتلها؟
معاذ: راني ريڨليت كلش نتي ماتكسريش ڨااااع راسك وديجا ارقدي شوية اذا حبيتي مابيد نوصلو علابالي راكي عيانة
سڨملها الكرسي وغطاها بوشاح جابو معاه وباسها من خدها
معاذ: هيا نيني بنتي دك ههههه
.
.
.
معاذ: نوضي حبيبتي ... يانعسانة نوضي رانا وصلنا
ناضت سيليا هبط معاذ فتحلها الباب نزلت حط يدو غمضلها عينيها ومشاها شوية حبس ونزل يدو سيليا شافت المنظر فتحت فمها وبقات مشوكيا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
معاذ: سيرپرييييز....واش رايك عجباتك؟؟
سيليا: معاذ وااااو واشنو هذا
معاذ: هاذي مفاجأة عيد ميلادك .... قبل ماتهدري علاباااالي ماشي اليوم بصح انا حبيت صح نفاجأك
سيليا: ماكنتش ڨاع نستنا فيهااا والله بزاف شابة
عنقاتو لكل قوتها ودموع الفرحة ينزلو رفدها معاذ ودخلها للدار
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
