عيونها قمر في عتِمة الليِل .

بارت 8

.
.
.
بداية يوم جديده ع أبطالنا وبداية سنة جديدة ع بطلتنّا الحلوات الخريجات نبدا يومنا بالجامعة . . .

ديم : يوه لمى اخيرا اخر سنة ماصدق
لمى : وربي من الحماس شوفي كيف كاشخه بس اول يومين
ديم بضحكه : بعدها ترجعين ل حالتك الطبيعيه
لمى : طبعا حبي
ميلاف : هـالوو
ديم : اهـلا اهـلا
لمى : فديت الزين ، نورت ام الجامعة ياشيخه
ميلاف : بنورك ياحبي
لمى : اي كيف الحماس
ميلاف : حماس ع توتر بس ماعليك ربي يسرها
ديم : اسمعي في بنات عندهم حركات يمين يسار لاتعطينهم وجه
ميلاف : شلون يمين يسار
لمى بضحكه : امشي نعرفك ع الجامعه قبل لا تبدى محاضرتنا بعدين اقولك وش يمين يسار
.
.
.
شركة ال حامد . . .
رعد : الميزانيه تاكدت منها يافراس مانبي ولا غلط
فراس : كل شي تمام انت بس اهدى وترت جدي
رعد بتنهيده : هالمناقصه مهمه وجدا
فراس : انا عارف ياخوك و والله من كلمتني وانا اشتغل وعطيتك شغل ممتاز لاتخاف
الجازي : السلام عليكم
رعد : هلا الجازي وعليكم السلام
الجازي : هـذي الرسومات اللي طلبتها مني
رعد : تاكدتي منها مابي ولا غلط
الجازي : متاكده باذن الله مافي غلط
رعد : تقدرين تتفضلين
فراس : عمتي وش تحس ؟ ماكنه ماله داعي وجود بنتها توترت
رعد : والله انا مالي خلق شوشره طلبت وانا نفذت والبنت شاطره ب شغلها للامانه حرام الظلم
فراس : يلا اهمشي منها فايده
رعد : طيب وين عمي فيصل تاخر كنه ؟
فيصل : هلا ياعيالي جيتكم انا
رعد : هلا عمي كيف حالك انت بخير
فيصل : يارب لك الحمّد ، جهـزت لك عرض البوربوينت
رعد : فراس شغل نشيك وماندخل الاجتماع الا وكل شي تمام
فراس : طيب تمام ، استريح عمي
.
.
ميلاف : ياراسي تعبت
ديم : هاه خلصتي؟
ميلاف : اي وانتو؟
ديم : امشي نروح الكوفي اللي هناك نجّلس ع بال ماتجي لمى بقي لها نص ساعه
ميلاف : اطلبي لي مافيني اوقف
ديم : ع ذوقي
ميلاف ب ابتسامة : طبعا
ديم : اي كيف اول يوم؟
ميلاف : والله حلو انبسطت
ديم : الدكاتره اللي معك كويسين الحمد الله
ميلاف : الحمد الله ربي عطاني ع نيتي
ديم : ميلاف عادي اسالك ؟
ميلاف : امريني
ديم : رحتي بيت جدي اخر مره ؟
ميلاف بتنهيده : تدرين أحس الدنيّا فعلا صغيرة وماتستاهل اننا نضر احد او نكّسر احد او حتى مانسامح احد
ديم : مو زعلانه من جدي ؟
ميلاف : ابدا من دخلت صح زعلت ع زعل ابوي بس يوم شفته وكيف انه ماقدر يناظرني عرفت انه مو نفسه ابدا اللي سوا ب ابوي كل شي
ديم : جدي شوي فيه غرور وكبره تلقينه وده يضم عمي فيصل ويعتذر له بس غروره مايسمح له
ميلاف : انا كلمته واتوقع بعد كلامي راح يليّن
ديم : شلون
ميلاف : شلون هاذي احس جدي هو بيحّلهـا نشوف الايام وش تورينا
ديم : ياحلوك ياميلاف وياحلو قلبك صدق
ميلاف : حبيبتي والله
لمى : هايي
ميلاف : مابغيتي
لمى : مابغو هم اكلو لحم راسي من اول اسبوع ، طلبتو لي
ديم : اقعدي
ميلاف : تخيلو ابوي قال لاتسوقين الا للضروره وقال الجامعه انا بجيك وباخذك
ديم : الله غريبه
ميلاف : ليه اشك ان اخوك وراى السالفه
ديم : لا ياشيخه ، ماتوقع رعد فاضي لك تلقين حتى نسي سالفتك
ميلاف : مدري والله
لمى : طيب سراج توه مكلمني يقول خلصتو بيجينا
ديم : ليه وين اخواني وعمي؟
لمى : دقيقه بدق
سراج : هلا لمى
لمى : اي سراج انت بتاخذني مع ديم وميلاف
سراج : اي شفيك
لمى : في شي يعني
سراج : لا ياختي ب المناقصه طولت ف كلمني عمي فيصل ع ميلاف وقلت اخذ ديم مره وحده
لمى : طيب خلاص وينك برا
سراج : اي برا ياليت تتفضلون
لمى : تمام يلا ، بنات برا يلا وترا عشان الاجتماع طول
ديم : بنت شوفي البنات كيف عند سيارة اخوك وع
لمى : يهبلل اخوي ماتشوفينهم رازين وجيهم عنده
ميلاف : مو منجدهم عيني عيني تعال
لمى : هاي سراج
سراج ب ابتسامه : ارحبّي
لمى : شفيه عيونك حمرا مره
سراج : تعبّان نوم والله من قضيه ل قضيه
لمى : سلامتك بس امشي لان البنّات هنا بياكلوك
ديم بهـمس : انا اشوف نقول لهـم يقلطون معنا
لمى بضحكه : ديم ؟
ميلاف : شفيك انتي غرتي اكثر من اخته؟
ديم : ماغرت بس ماحب قلة الادب ، وجوعانه ومصدعه
سراج : اللي تبّون تاخذون ابشرو بوقفكم عنّده
ابتسم سراج وهو يطالع ديم من مراية السياره وهي تسند راسهـا ع المقعد وتغمض عيّونها
.
.
.
ب الاجتماع . .

رعد ب ابتسامة : وهذي الميزانيه اللي راح ندفعها على مشروعكم
ابتسم صاحب المشروع : فعّلا انتو عطيتوني اللي ابغاه ب الضبط الف مبروك المشروع لكم
رعد : الله يبقيك وباذن الله يكون زي ماتبي وافضل
نطق المُنافس لشركة ال حامد : ايش السبب اللي مايخليك تُعجب بعرضنا اللي يفوق عرضهم الرخيص
رعد : أعقب ، تقدر تعترض بدون الفاظك هاذي
صاحب المشروع : انا من كلامي الاجتمّاع اللي فات والذكي هـو اللي فهم قصدي انا ادور ع البساطه والفخامه بنفس الشي مابي زحمة اشياء ومظاهر بدون فايده
المُنافس : مع ذلك فكّر بعرضنا قبل لاياخذونه
صاحب المشروع : انا عطيتهـم وانتهـى وان كان لك نصيب بالمشاريع الجايه يا ولد مصلح ، استاذنكم يعطيكم العافيه
المُنافس : ماراح اخليه لكم
فراس : أعلى مابخليك اركبه
دخل فيصل بحماس : هـاه طمنّو لنا ؟
فراس بغرور : طبعا عمي بدون تفكير
فيصل : والله انكم كفو جبتوهـا ، بس وجه بن مصلح مايطمّن ولا
رعد : مايقّدر يسوي شي ولو سوى بيلقاني بوجهه
فيصل : يلا حيّاكم غداكم عندي
رعد : الله يسلمك ماتقصر الايام الجايه والله بقي لي كذا شغله بعدين برجع البيت
فيصل : ارفق ع نفسك شوي ياولدي وارجع البيت وبكرا خير
رعد : باذن الله
.
.
ب جهة ثانيه بعيد عن عايلة ال حامد . . .

صرخ ابوه : ماقدرت لهـم يالضعيف شلون ب عرض بسيط كذا يربحون هالمشروع
عبد العزيز : يبه والله اني سويت كل شي اقدر عليه بس مافي فايده وش اسوي
نطق الاب بقهـر : اقولك مابيهم يذقون فرح ولا ابيهم يتهنانون بحياتهـم ولدي بالسجن بسببهم
عبد العزيز : يبه ولدك وانت عارف عمايله ماله دخل
الاب : تدافع عنهـم قدامي انا اقول استرجل ولاتخليهم يتنفسون ورعد ذا اكسر راسه تعرف وشلون تكسر راسه 
عبد العزيز بخبث : ابشر يبه ابشر بس نلعب ع الخفيف بعدين نوريهم الشغل صح
.
.
قصر ال حامد . .
الجد : والله لو مهمّا سويت اني ما اوفي هالبنت حقهـا
الجده : قلبّهـا طيب ورقيّق طالعه ع ابوهـا
الجد : والله يا حنيتهـا علي اني ما انساهـا وباذن الله اعوضهـا على كل لحظه بدوني
الجده : الله يصلح الحّال يا يوسف والله يحنن قلب فيصل وتهـدى الامور
الجد : باذن الله
رعد : السلام عليكم
الجد : ارحب وعليكم السلام
رعد : كيفكم
الجده : يارب لك الحمد يمه
رعد ابتسامة : اخذنا المشروع من بن مصلح زي ماطلبت
الجد : كفو والله انكم كفو ، تلقاه الحين نار وشرار
رعد بسخريه : ولده شوي ويبكي
الجد : والله انكم بيضتو ب وجهـي
رعد : الله يحفظك يارب
الجده : يمه رعد تعبّان انت
رعد : والله مو نايم ياجده
الجده بحنيه : اطلع غرفتك تنام عندنا ؟
رعد : اي والله بطلع الحين انام ،
الجده : فمان الله اطلع ارتاح وقفل جوالك عشان محد يزعجك
رعد : ابشري يالغاليه
الجد : اسمعي تكلمين عيالك كلهـم يجون بكرا كلهـم باذن الله ونسوي عشاءنا
الجده : باذن الله الحين اكلمهـم
.
.
بيت احمد ال حامد . .
ديم : فراس برا اقولك تعبانه نوم
فراس : انا جاي من ملاهـي صح ماكنت بالدوام
ديم : شتبي ناشب لي طيب
فراس : بسولف كيف يومك
ديم : حلو خفيف
لينا بصراخ : انا جيت
فراس : ارحبّي مليوون وانا اقول بيتنا نور
ديم : كملت
لينا : خالتو ديم
ديم : عيوني انتي ماما جت
لينا : ايوا تحت
فراس : لينا وش صار ع عروستي
ديم : بزر نطقت كلمه جننتهـا
فراس : مو شغلك
ديم : تعالي علميني مين عروسته وانا اقولك تقولين له ولا
قربت لينا وهـي تهـمس ل ديم ب اسم عروسة فراس
ديم بضحكه : عزتي لهـا والله انا كانك مختارتهـا ل فراس
فراس : مين
ديم بتجاهـل : اسمعي انتبهـي ياويلك تقولين له اسم شي بيفضحنا هـذا
لينا : اوك
فراس : يالبزر
ديم : بنام فراس
.
.
.
انتهـاء