عيونها قمر في عتِمة الليِل .

بارت 3

.
.
.

ب مطّار السعوديه نزل هـو وبنته وزوجته والأحداث والمشّاعر رجعت تكرر عليه جيته وهـو فرحان ب زواجه وتوقعه من ابوه القُبول وخروجه من السعوديه مكسور شايل بنته وزوجته معه تنهـد تنهيده طويله وهـو يرفع راسه ويبتسم ل بنته وزوجته ويكملون طريقهـم متوجهـيّن ل فلتهـم اللي كان ب مجمع عائلته ظل يتمتم أبسط حقوقك يا فيصل هالفله واللي يبي يعرف يعرف .
انصدم فور دخوله من كمية الغبّار اللي كان معبي كل ارجاء الفله الى حديقتهـا اللي الورد فيهـا ذبل
فيصل بسخريه : اوك تبرى من ابوي لكن وين أمي وين اخواني ليه يخلوني ادخل بيتي وهـو بهالحاله
ام ميلاف : ماعليك ماعليك انت تدري انك ساكن جنب اخوانك وقصر ابوك يبعدكم بشارع اكيد انه منع احد يدخله
فيصل : يكثر وجعّك يافيصل يكثره
ميلاف بهـدوء : يبه ايش بينك وبين اهـلك
ام ميلاف : مافي شي يمه قلت لك مشاكل بسيطه وبتنحل
ميلاف بضحكه : بسيطه صح يمه ؟ وهالفله واضح 23 سنة محد يطبهـا ولا ينظفهـا
ام ميلاف : يمكن ما امداهـم يمكن مشغولين
ميلاف : بهالفلوس كلهـا ، اقل شي لو هـم يحبون ابوي لو شوي كلمو شركة تنظيف وجت ريحتهم ماخلوهـا كذا
فيصل : ميلاف
ميلاف : ميلاف ايش يبه ؟ تتوقع اني ما أشوف الكسّره بعيونك الحين ؟ تتوقع اني ما انتبهـت اول مادخلنا الحّي كيف عيونك تراقب الطريق يمكن تلقى احد اخوانك ؟ تتوقع اني ماشفت نظرة الحزن بعيونك يوم شفت كل الفلل اللي حولنّا انوارهـا مقفله والواضح ان اهـلهـا مو موجودين والواضح ان الكّل متجمع ب قصر جدي زي ماتعّلمني كل سنة
فيصل بهـدوء : انا خارج اجيب مكملات البيت وبعدهـا نرتاح كلمت شركه ابي عامله بس ماراح توصل الا بعد أسبوع ف مالنا الا حنّا نجهـز ابدو ع بال ما اجي
ام ميلاف بعصبيه : لسانك طايل هـاليومين يا ميلاف سلامات انا مو قلت لك لاتضغطين ع ابوك ولا تتدخلين بهالسالفه
ميلاف : الا بتدخل وع فكرة بديت اكرهـم لاني عارفه انهم متسببين ل ابوي بوجع كبير ومصيري اعرفه
ام ميلاف : لايسمعك ابوك ياميلاف تقولين كره لا يسمعك
ميلاف : جمّلهم ب عيني لكني شفت وجعّه ومستحيل أسامح اي احد كسر ابوي بهـالشكل
ام ميلاف : يلا اطلعي نظفي الغُرف اللي فوق وانا علي تحت وبعدهـا المطبخ سوا
خرجت ميلاف وهـي تتوجة ل القسم اللي فوق تنظفه وتذكرت ام ميلاف اول وصولهـم للسعوديه هي وفيصل قبل 23 سنة
ام ميلاف : الله فيصل الفله مرا جميل
فيصل بضحكه : جميله جميله
ام ميلاف : تعرف اني اهرج السعودي شوي شوي من امي
فيصل : اعرف اعرف وهـذا اللي يعجبني
ام ميلاف : لما يصير انا اتكلم بطلاقه سعوديه ماعاد فيه ضحك
فيصل : ابشري على هالخشم
ام ميلاف بحزن : ابوك كيف يصير معه ؟
فيصل : كل شي وله حل ماعليك ، شرايك بس ب الفله خلصتهـا قبل لا اجيك
ام ميلاف : جميله جدا جدا
قطع عليّهم سواليفهم وضحكم دخول ابو فيصل اللي دف الباب ودخل بدون استاذن
يوسف بسخريه : تكسّر كلمتي وتاخذ هالاجنبيه غصبن عني وتتوقع اني ماراح اعرف
فيصل بهـدوء : تفضل يبه
يوسف : ماني متفضل ويلا شيّل زوجتك الاجنبيه ذي وانقلعو برا بيتي
فيصل بصدمه : ايش قاعد تقول يبه
يوسف : اقول هالمجمع كله ب اسمي وهالفله للحين مانقلتهـا ب أسمك زي اخوانك يافيصل ولا انا غلطان
فيصل بسخريه : غلطتي يعني اني وثقت ان ابوي ما ياكل حقي ؟
يوسف : تخسي انا ماني ابوك ولا اعرفك
فيصل : فعّلا منت ابوي لان ما اعرفك والله ماعرفك ، وانا ما احتاجك بس صدقني لاتخليني احط هالموضوع براسي واجيب هالبيت وحلالي بالمحاكم
ام ميلاف : فيصل
يوسف : شفيك تسكتينه مو هـاذي عمايلك ؟ سحرتيه خلتيه يعصي ابوه وامه بسببك يالساحره
فيصل بصراخ : خلاص يبه وهالبيت يتحول ب اسمي الان يبه الان ولاتخليني اسوي فضايح انت ماتحبهـا ولاتراضهـا وبهـار زوجتي رضيت ولا مارضيت
يوسف : بهـار هاه ؟ ما اقول الا الله لايلقيك
ام ميلاف بصراخ : لاتدعي لاتدعي ولدك هذا مافي دعاء تظلمه
فيصل : البيت يتسجل ب أسمي الحين
قطع عليهـا صوت ميلاف اللي تنادي بصوت عالي : مامتي جنم وينك لي ساعه انادي وش تفكرين فيه
ام ميلاف وهي تمسح دموهـا : مافي شي يمه وش بغيتي
ميلاف : مفارش السرير تفجع لازم جديده مافي ؟
ام ميلاف : الا في بالمستودع اشتريناهـا انا وابوك
ميلاف : من الحين اخذت لي الغرفه اللي فيهـا صاله
ام ميلاف : يعني اخذتي القسم الصغير
ميلاف : يس بضبطه ع روقان
ام ميلاف : ع راحتك وترى جبت مفارش سريرك ب الكراتين خذيهـا
ميلاف : طيب
.
.

ولانه مايحّب الحوسه والازعاج ب قصر جده قرر يرجع فلتهـم وينام فيهـا ويرتاح لين الليّل يرجع لهـم و اول ماوصل المجمّع انصدم من الانوار الشغاله ب الفله اللي جنبهـم واللي يعرف انها مهجوره من زمان ومحّد يجيهـا من وعى ع الدنيّا
رعد بهـمس : من هالحرامي اللي جاي يسرق بنهـار العيّد بفله مافيهـا الا اثاث
وقف سيارته وهـو يتوجه للفله ويمشي بشويش بحيث يشوف احد من الشباك لكّن كان الوضع هـدوء سمع اصوات قربعه ب الحديقة وبما انه يعرف تصميم الفلل المتشابه نوعا ما توقع ان فيه مدخل يوصله للحديقه من الخلف وفعلاً مثل ما توقع وصل الحديقه لكن مالقى أحد دخل المستودع ماحس الا بشي يضّرب راسه ولكّن كان هو اسرع منها وهـو يلف يدهـا ويثبتهـا ب جدار المستودع
رعد بعصبيه : من انتّي
ميلاف : جاي بيتنّا ويقول مين انتي سلامات ابعد عني
رعد : ع كيفك بيتكم هالمجمع كله لنا
ميلاف بسخريه : من انت امير المنطقة
رعد : تستخفين دمك ؟ بغيتي تفجرين راسي بسرعه من انتي
تمتمت ميلاف ب التركي بمعنى : القذر الحرامي
رعد بسخريه : اي الحين طلعي هرجك الصدقي بتضحكين علي لانك قلتي كم كلمه عربيه
ميلاف : والله ؟
رفع عينه ينظرهـا لانهـا كانت فعّلا تتحداه بكلمتهـا والله لكن انه تاه في جّمال عيونهـا كانت عيونهـا وساع وباللون العسلي المُخضر كثيفة الرموش وبعد دقيقه وحدة من التامل
رعد ببرود : والله
ما حس الا ب رفستهـا وهـي تتوجة للخارج وتمتم ب غبي بالتركي دخلت الفله وهـي تقفل الباب وراهـا بسرعه وتتوجه ل امهـا تعلمهـا ان في شخص برا فقط ، خرج وراهـا ع دخول فيصل اللي انتبه لوجود شخص غريب خارج من المستودع حقه حاط يده ع راسه
فيصل : مين انت
رعد : انتو اللي مين ايش تسوون بهالفله ؟ هالمجمع ملك ل عايلة ماتدرون
فيصل : ولد أحمد انت ؟
رعد بهـدوء : اي من انت ليكون عمي فيصل ؟
فيصل : اي نعم ياولدي تونا واصلين من تركيا
قرب رعد وهـو يقبل راس عمه اللي حس بمشاعر كبيره من قبلته واحترامه له
فيصل : رعد كيف حالك ياولدي
رعد ب ابتسامة : كيف عرفتني
فيصل : ابوك اصيل يارعد اصيل كل ماتواصل معي ولا جاني كنت معه كان عمرك قريب ال 8 سنوات
رعد : الله يحفظك يارب واعذرني اني دخلت كذا بس توقعت حراميه داخلين شي لان هالمكان ماحد يجيبه كثير
فيصل بسخريه : اي واضح ، وش صار ب راسك ؟
رعد بتصريفه : ضربت وانا خارج من المستودع بس بسيطه لاتخاف
فيصل : الله يعطيك العافيه ياولدي
رعد : عمي احد يدري انك هنّا ؟
هـز راسه بالنفي واستاذن رعد من عمه فيصل وهـو يتوجه للفله حقتهـم
ميلاف : يمه ليكون يقرب لي ابوي ذا
ام ميلاف : الحين يجي ونفهـم
فيصل : الله يعطيكم العافيه الواضح انكم انجزتو
ميلاف : اي والله الحمد الله خلصنا الاساسيات وشلنا الغبار اهمشي والباقي بعدين
فيصل : يارب لك الحمد
ميلاف : يبه من هذا انا خفت ع بالي حرامي
فيصل بضحكه: لايمه هذا رعد ولد اخوي احمد يقول المكان مهجور من زمان ويوم شفت الانوار ع بالي حراميه ، صادفتيه انتي؟
ميلاف : لا بابا ، بس بموت جوع جبت شي معك؟
فيصل : اكل سعودي بحت
ميلاف : ايش
فيصل : جربي نشوف يعجبك ولالا
ام ميلاف : يلا تعالي نحط الغداء
ميلاف : وبعدها بنام يومين لحد يصحيني اوكيه
ام ميلاف : طيب طيب امشي بس
.
.

عند رعد بدل ملابسه وانسدح ع سريره وهـو يفكر ف بنت عمه وهـمس ذي مو صاحيه ترفس وتضرب وش معلمينهـا ذي ، غمض عيونه وتذكر عيونهـا شلون ورموشهـا تعوذ من ابليس وتمتم شفيك اول مره تشوف وحده عيونهـا كذا ؟

انتهـاء صباح العيد ويوم العيّد الاول الطويل بالنسبه للكّل وأجل الجّد عشاء العيّد الليل لليوم الثاني بسبب المشكله اللي صارت بينه وبين زوجته
.
.

انتهـاء