الينام و بي وجع يتگلب ...هواي
بحيث تضوج من عنده ..المخدة
و تجي الحسبات أشبه... بالمراجيح
هاي التاخذه و ذيج الترده
الهوا يغمض توالي الليل... و ينام
بس البي وجع يگضيه ...كعدة
نار الفرگة تچوي إبلايه... دخان
و گلبي المحترگ دمعي.. اليبرده
تره الفارگ عزيز مجرب ...الموت
عادي و بالمگابر يبقى... وحده
جرح الفرگة باب أيمام...مفتوح
الف هم اليجيله يطوف ...عنده
ترا خيط الضماد اتفتحه...الاهات
اذا الدكتور ما خلاله.... عگدة
و منو الیگدر يشلک جرح ...الفراگ
الدمع لو طاح بس الخد ...يسنده
تجي ارسوم العزيز بساعة... النوم
و چفن عينک بعد جيب ...اليسده
ما تغري الحزين سوالف ...العيد
كلمن يلبس الثوب ...اليگده
ليش الهم يضل بروحنا ..يعيش
و احنه شگد نعيش و هيه ..مدة
الهي اسددت بوجوهنه... البوب
بس بابك دخيلك لا ...تسده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خسرنا گلوبنا الما عرفت تعاشر
خلصنـه العمـر مـن باچر لـباچر
خلصناها تكضي .. الله كريم .. تهون
واحنا جروحنا شما كبرت نكابر
وادمنه على طيبك تستغل البيك
ومن توگع لجلهم تنحسب خاسر💔🥀
مـ༈ۖ҉ـآسـهہ🖤🥀!
