كافي تتهرب تعال من الاخير
كول مليتك شجاع اشويه صير
حيل مشغول افتهمنه احجيلي غير
اطير قالا لا انه لالطير
ساعه ماعندك خلگ مالك مزاج
وساعه عندك مشكله وضعك خطير
وراسك وكلبك وصحتك مو تمام
راح ادخلك مختبر فحص الضمير
كول ماريدك بعد خليني اروح
ابعيني لا تزغر. احجيهه وضل جبير
انته بل اشكم شهر تطلب رضاي
ومن اباوعلك تفاصيلك تحير
وذا تلكاني ابدرب تتبع خطاي
وعيونك تودعني احد ما استدير
ولفديتك ولعشكتك والغلاي
مفرداتك نزلت سوگ الحرير
وكتلي يوسف بلحسن كتلك هواي
لئن ادري ابيوسف يحفروله بير
هلا بوجه الخير اذا تسمع نداي
زمن بيك اني اتصل وتكلي خير
وختنك خنكه وتضحك الدنيا هواي
دموعي يمكن وصلتك عبر الاثير
اشلون فجأه اتغير اسلوبك وياي
علي كلش مثلت دورالفقير
يا فشلته اليمشي من جواه الماي
اشطوله حبل الجذب مو كالو گصير
والله يدري اشتحجي شصفط وراي
وكبلي كم واحد تركته بهل مصير
العبا خلصت لا تعال ولا تعاي
اريد اكلك كلما بل بيت الخير
ماريدك بعد لو يمك دواي
ايها الكاذب المحتال الشهير
https://youtu.be/A-uj0rfLc3A?si=66WiOSz8abTT_bPW
